111022轉移陣地

明天約左大表姐, 所以媽咪諗住來船灣淡水湖由大霸入副霸, 再在伯公坳回頭, 然後在大美篤食個美味午餐

原來今日水務署在大霸舉行10公里長跑比賽, D水務署義工哥哥叫我地上去睇下熱鬧,
點知係封左路, 要午後一點鐘先解封......


去邊好呢.....附近都係山徑, 又無帶夠足夠水, 去烏蛟騰又怕玩到周身污糟, 好徬徨呀

咁早在小巴站又唔見有的士.....突然見到部的士想入來睇下有無客載, 大細媽即傻婆咁揮手.......
一轉眼, 我地又入左鹿頸發記士多

行鳳坑谷埔.....都係石屎小徑, 合晒大細媽原意

話就話入秋, 都有D熱ga........


遠望沙頭角....天氣都唔錯.....明天同大表姐行, 一定又係咁舒服

對開有個小島, 潮退見路, 一於行去八下先.....


但原來全係貝殼同瘀泥, 大細媽怕我鎅損腳, 抱我過去.....,  而婆婆只著了涼鞋, 更加唔可以行....


到小島, 都無乜地方落腳, 影張相就走.....

回程當然要抱抱啦......

白露企在沙頭角海, 遠下, 原來好淺水, 只係瘀泥多......

出去玩, 僅要搵個好位置飲水啦
細媽 : 但係屎唔屎坐成咁樣呀

到谷埔喇........

來到河邊, 我開心到忘形, 自把自為落左小河玩水.......


玩完爽晒走人了.....
媽咪 : 唉.....諗係行石屎小徑, 唔怕你行到滿身泥, 唔駛回家大洗, 依家又玩水, 仲一個屁股坐埋落水
細媽 : 算數啦.....反正D水好清澈, 返去洗下腳同肚仔都捱到聽日ge......

媽咪 : 上半身濕晒, 好肉酸呀

媽咪, 一陣就乾啦, 唔駛咁樣衰喎


你地見唔見到我呀

谷埔沼澤地帶好靚, 真係希望能不受破壞就好

我地到松記士多, 都係 11:45am, 太早, 無可能咁早食午飯, 回程出返去先算....

天氣好, 又點點微風, 陽光真好....

我地回程, 呢班牛牛仲在在谷埔宋伯士多附近未走, 佢地好乖, 我地來回經過, 佢地都讓開條路俾我地經過....

呢帶好多碎貝殼, 某一段路, 我無行山鞋, 我都要小心行, 否則會易鎅修腳.....

來時無人, 走時見到一家人來野餐.....
係喎, 我地幾時又去野餐呢

在中午, 頭頂有一大片厚雲, 遮了陽光, 無咁曬......


去到鹿頸係一點多, 來回都係三個鐘, 輕鬆半日
呢度只有小巴, 半小時一班,  電召的士, 通常都要等 20 min, 都係在開心BB士多食埋午餐算....
下次先再搵機會, 再去過大美篤玩