111016大水井昂平大水坑

婆婆昨晚無乜事了, 佢竟然提出, 今日行一日山

有無咁離譜呀, 我都攰喎, 似乎婆婆真玩野, 半日就OK

原先星期五時, 天文台預報星期日會有幾陣雨, 點知隔日就就唔同晒,
媽咪見星期六上午都咁熱, 就諗來西貢大水井行返去大水坑, 中途有樹蔭, 半日剛剛好

今日唔行大水井古道, 頭段行馬鞍山郊遊牴上昂平

幾好天, 好彩我地早出發, 9 點多時, 陽光照來都唔太熱.....

陽光在我地背後, 我地就唔怕陽光燦眼仔.....

仲有風添.....

起步上昂平, 要行大石級, 係今日最辛苦一段.....

但望返咁靚風景, 辛苦D 都抵返晒.....

就快到.....加油......

婆婆,轉個彎到交叉位, 辛苦路就行晒啦......

Yeah......接上麥徑, 打後唔難行了.....

突然見到隻兩吋大蟋蟀, 媽咪佢地都未見過咁大隻......

上到昂平, 僅係唔好浪費靚風景同靚草地......

陽光下, 大金鐘好靚, 但我地仲未上過去, 總要搵一次上去插下旗先

昂平大草地, 我次次都跑下, 好正ga......

媽咪真係好鍾意呢個大平原, 百來不厭

平時行山, 比較少遇小朋友, 我地今日有遇到.....

佢身型好 fit, 一定成日好似我咁, 常常行山操 fit

西貢海都好靚, 但次次都對正太陽, 難影靚相........

有風有陽光, 真唔願走, 但點都要起步, 唔通在此紮營咩

原路回頭lu.....

我地接返專徑去五聯達.....

在石砌古道一邊行, 一邊欣賞西貢一帶....

途中, 我地在一樹蔭下小休飲水, 突然有隻黃蜂私闖入媽咪褲管內, 媽咪已經唔敢亂動,
點知隻黃蜂唔識搵路走, 就發脾氣在媽咪大腿咬左一大口, 媽咪痛到發傻狂跳, 事後黃蜂不知所蹤, 媽咪拉起褲管檢驗傷勢,
嘩........

竟然咬左一個大窿, 仲流血, 媽咪即時按實附近, 將毒液按出, 用消毒液抹, 貼埋膠布,
但都已經紅腫一大片, 又發熱, 好彩佢今早曾食了抗敏藥, 無發燒咋.......

擾攘了好耐, 都要繼續行程.....

到五聯達小休, 媽咪再檢驗傷勢, 真係好腫痛, 希望佢中途唔會有事啦......

我地沿梅北古道落返去大水坑.....

已經中午時份, 但行得舒服, 事關咁方向就在樹蔭下步行, 如果反方向行, 就會烈日當空了.....

梅子林村有幾間新村屋興建中, 仲改了路添, 為怕有村狗吠我, 細媽切定抱我過村.....

在引水道路口, 媽咪見有野外定向起點標記, 又有個哥哥似比賽完畢, 媽咪想起今日好似有賽事,
落埋梅子林路, 睇下見唔見到二表姐先

我地望上鹿巢山, 見好多著定外跑衣的人走來走去, 應該無估錯..... 

到富安花園小公園, 終於見到二表姐剛完成賽事, 仲見到大姨丈添......
又一次偶遇

回家, 媽咪再睇傷勢, 仲紅腫發熱, 行路都痛, 唔知幾時先散.....
如果咬在頭同面, 真係更不堪設想