110529沙田古道來回走

炎夏了, 細媽知我鍾意玩水, 但又怕大浪, 又唔可以成日去沙灘
如果又次次晨早去大水坑晨操, 佢又怕我行城門河畔時, 誤闖單車徑出意外


上次同大姨媽行獅子山頂, 沿沙田古道走, 沿途都有小溪水, 佢知我一定鍾意, 於是今日就來行古道
我一歲時, 細媽都成日帶我由屋企沿沙田坳道上, 來回古道ga....

但因一次我俾野狗嚇親同咬 pat pat, 有左童年陰影, 打後時間, 我一過黃大仙廟附近, 就屎唔肯再上
但今日, 我地係直接坐車來到水泉坳街水泉澳落車, 我就分唔清楚.....

落車位係郊野公園閘口, 唔會有車入, 咁我就唔屎避車同單車 lor

入古道啦....

因為早上, 陽光會被山岥遮擋, 唔會曬, 好多人都來晨運, 係晨運勝地, 沿途行山人士絡繹不絕....

上無幾耐....

就有位置落小溪玩水.....

細媽 : 果度咁高點落水呀, 過返來啦.....

嘩, 晨早浸一浸, 爽呀..............



玩完水, 就叉足電, 大把精力行山

唔夠皮, 又去另一個位置玩過....

有小水霸, 但水深呀, 我唔敢落去游水o架....

小水霸下, 又一小瀑布, 流水淙淙, 走到小溪樹蔭下, 炎夏來, 一定消暑

今日熱, 只有行山人, 無燒烤人士....

由燒烤場上來時, 突然有一群馬騮, 佢地竟然走到來呢頭, 細媽抱起我, 急急行過....
又到獅子王.....10點幾咋....太早了.....媽咪佢地食唔落咖哩牛腩飯, 惟有食薑汁豆花....

當媽咪抱我等細媽去廁所時, 佢發現我身上有松葉, 咪一撥....
原來唔係松葉, 係竹節虫....

我地唔想再同馬騮碰頭, 我地改行去二號燒烤場落山....

我細時, 差不多個個星期日同假期, 都上來晨運ga....

我仲好記得呢張櫈, 每次都要坐下休息的.

二號燒烤場....

有石級接返去古道....

但我俾野狗咬 pat pat , 就係呢條路, 我仲記得, 唔太想落去....

細媽 : 有媽咪係度, 只要你唔自己一個離隊走上樹叢, 就唔會有事....

我好聽話, 專心沿石級行, 終於安全啦

古道有好多位置, 晨運客插了水管, 當雨季來, 就有山水流下....
媽咪, 我淋身o者, 咁都影相

細媽托起我何事

原來又幫我淋濕身....

媽咪, 你好無聊o者......咁又影.....

中午 12 點, 太陽在頭頂, 我地都快到山腳.....

回頭僅係唔蝕底, 落小溪, 玩多幾次水啦

今日有風, 又有雲擋, 有水玩時, 十分爽......

呵呵, 來回玩埋水, 食埋豆花, 都係 4個鐘, 輕鬆半日, 去埋沙角村食飯, 交通方便, 返到屋企都係兩點咋....

細媽話, 今年夏季, 我地應該會駐守呢個避暑勝地