110502 Hea 在赤徑

明知今日係假期, 但天文台又預報間中有雨同雷暴, 相信好多人都唔知點計劃假期節目

我地都係瞓醒, 望下出邊, 有太陽呀...



細媽話不如入去赤徑 Hea, 兼且有水玩, 而且石屎小徑, 落雨都唔會太論盡....
到西貢市中心都好好太陽, 但來到北潭坳, 係密雲, 仲好, 唔怕太曬...

開始換毛季節, 我耳朵邊長毛毛已甩了很多, 仲生了短金毛出來.....

但尾仔就比以前多了毛毛, 仲變了波波尾, 細媽成日笑我...

一路往下落, 話明 hea, 當然揀條唔辛苦路啦....

到赤徑紅樹林小河邊, 就係我玩水勝地, 但未到雨季, 好少河水咋....

我次次都流連忘返

我地預左搭 12:20pm 船走, 真係要慢慢 hea....

於是在沙頭的小徑, 慢慢行, 望下有無海洋生物...

或者當跑道, 來回走下....

5-6月係台灣相思樹開花季節, 灣仔營地會有黃花夾道, 呢度都有一棵...

我又名黃小花, 同相思花都幾夾.....

仲有成大半個鐘先有船, 我提議出岩石邊影返幾張相...
我係咪好識利用時間呢....

雖然今日只係間中出少少陽光, 但對我來講, 天陰密雲, 又有風吹, 就係最舒服

碼頭涼亭有雙燕子努力築巢, 希望無人會騷擾及破壞佢地個新巢....

下次來, 希望見有燕子BB


呢個五一假又快完, 大細媽明天又要努力賺錢同我去街....

所以 hea 半日就夠....

舒舒服服搭船回黃石碼頭....

到碼頭, 見隻兩個多月大的狼狗B女好 cute ar...

返到碼頭, 飛的返市中心, 食埋午飯, 就要回家, 事關我今日浸過咸水, 媽咪話又要同我沖涼吹毛, 有排搞喎....

其實我昨日都沖完啦, 媽咪, 屎唔屎咁勤力呀.......