110508母親節 - 勞役◎無親

母親節係慶祝乜野.....我唔明o架, 我只知係逢星期日, 除非唔好天又落雨, 我地一定同婆婆出去玩, 即係乜野節都無所謂啦 

據報今日又係會有成 31 度, 為免熱屎洛, 我地一於早早出發, 但的士在假日唔可以上到燒烤場, 我地惟有在小巴站起步, 出發都未夠 8 點

如果的士可以直上, 我地就慳返, 行了半小時

想避開下午最熱時間, 先咁早來, 婆婆竟然話不如行埋去大埔, 佢想勞役我地咩.....

我地一於唔騷婆婆, 母親節就變無親

今日早上, 太陽已經高掛......
見嗎    .....蔚藍色的天空.....


同上星期來時, 相差好遠.....

怕跟上次咁, 馬騮在畔塘徑頭段出沒.....

我地改行緩跑徑....

緩跑徑都幾多人行, 事關泥路平坦, 又有樹蔭.....

仲有中途有小水溪, 同上路唔同o架

媽咪發現不知名蘭花....

細細朵在草莖生出...    

我地行一半緩跑徑, 就轉返上去畔塘徑, 因為我地又想去沙田

中途飲下雞湯先得...

上長壽斜, 婆婆都俾我地勞役夠.......其實都想佢行完長壽o者

遠開畔塘徑, 上針山段......

繼續長壽斜上.....

一早時, 我地頭頂係藍天, 但行了一段時間, 頭頂變了一大舊厚雲, 間中又有風, 真係想唔到, 好舒服呀

二次大戰留下嗎

11點, 我地上晒大斜, 開始落山.....

今日比上次快, 唔通少影相, 真係慳返時間

準備好未......

長壽梯級  

我地落山時, 厚雲間中遠離我地, 太陽間中在雲間走出來, 有時都有點點曬

又到晨運區....媽咪又話玩韆鞦.....搖擺不定, 好驚呀

好彩我不嬲定力夠, 坐一陣唔郁都OK

今日真係行快左, 或者認得路, 又無多影相....

到道風山路, 我要上私家車

車程有成 20分鐘, 所以我會選擇個舒服位, 好好享受呢 20分鐘車程

細媽 : 呢 20分鐘係個仔勞役我的, 唔係婆婆想勞役我, 就係個仔勞役我, 點解

坐完車 lu..... , 我又要落車自己行埋最後一段路落排頭村... 

途中又見到好多黃小花.....

望真, 原來係攀籐植物....

1 點鐘, 我地到排頭村, 今日行左 5個鐘咋.....如果順婆婆意, 實俾佢勞役多 3個鐘

其實婆婆自己行完都話夠皮, 都太陽高掛啦, 食埋個簡單午餐, 就急急腳回家....

母親節咪又係無大魚大肉.....平淡中過......

如果有心, 日日都係母親節....

如果無心, 平時就係無親節....

好多時, 在心中ge.......