2011年5月1日

110501城門水塘至沙田道風山




五一勞動節又話早上會有幾陣微雨呀..

但媽咪佢地早D起身, 見地面尚算乾爽 ok, 去邊好呢

一於去城門水塘, 而且天陰上針山都好, 搏下行喎..
上的士時, 都有雨粉, 唔係化...





到水塘, 又唔算差呀......

今日勞動節, 細媽話變身黑白貓, 乜有關係咩..

到麥理浩徑第七段起步點, 竟然雨點越來越密, 媽咪怕上針山時, 中途越落越大雨, 婆
婆會滑倒, 仲會好狼狽, 都係唔搏, 留返下次再上針山 ..

平時行畔塘徑, 好少見馬騮, 今日竟然沿途好多, 細媽呱呱叫, 話不如行返落去緩跑徑,
但馬騮會周圍走o架, 如果佢地在緩跑徑出現, 路咁窄, 我地更驚, 惟有硬住頭皮繼續前進唔退縮....   

好彩馬騮在頭段出沒咋....

仲要又停了毛毛雨, 個天真玩野.....



媽咪, 我地今日行程, 上唔到針山, 繞水塘行嗎..

媽咪 : 不如行去沙田, 但行另一條路落, 好嗎

咁婆婆又要行長命斜, 又可以添壽喇

到呢度, 仲可以改主意唔去沙田

但決定左, 唔改了....





又長命添壽斜

到針山段同草山段呢度, 又幾潮濕喎, 好彩都無落雨, 但我身後的一班人由針山行落來....  

如果我地有上針山, 都已經落來了.....

算啦, 後悔無用, 或者我地上針山, D雨會落正我地頭上呢

今次鐵定落神學院....



唔知難唔難行呢.....


一路長命樓梯, 婆婆又添壽喇

長唔見底o架.......



級級復級級...



不來到呢度, 又會接返泥徑, 仲有告示話部分山路崎嶇不平, 只適宜有行山經驗人士使用...



又似崎嶇不平喎, 實際只有呢一小段崎嶇少少...





來到一個晨運勝地....

仲有晨運客自制的韆鞦...



婆婆起初又話怕, 咪玩到咁開心.....



又梯級...

落呀落....好彩比獅子山頂果段易行...

見分叉十字路, 回頭望, 我地沿麥徑針山落, 轉左往火炭,
另一邊無任何指示, 但路都好明顯, 似去大圍方向.....

o拿, 有字寫在木柱o架....

又另一個晨運勝地......

落神學院唔駛一公里...

剛才有兩位叔叔姨姨話, 佢地由大圍曉翠山莊行來ga, 佢地話落下去會先見分叉位....

唔知係咪轉右呢....


反正我地想落去沙田市中心, 都係順神學院行會安全D...


見車路了....  


接上道風山路, 來來往往好多車, 在步行徑又有告示牌話部分山路崎嶇不平,
只適宜有行山經驗人士使用, 其實好多路段都建造石級, 只係長命添壽級比較嚇人

有人會入神學院影相, 細媽話唔好打搞神父清修, 路過算了.....





杜鵑花快過, 今日都好少見野生杜鵑花, 但有人工種植的都好靚...



過門不入, 都影返張到此一遊, 唔駛寫大字塗鴉o架...

事關 d車都開得比較快, 行人路窄, 細媽僅會抱我....

接回落排頭村的小徑....

當然自己行返啦...



到排頭村沙田港鐵站, 結束今日行往, 9 點起步, 1點9 行完, 開心半日行, 仲可以在村內餐室食埋午飯, 一樂也呀


4 則留言:

  1. 兜來兜去 .. 兜到 ... 我都唔知你地行左去邊  等我 .. 個人清醒時, 再睇下 .. 留呢入秋行下先 
    [版主回覆05/03/2011 13:14:00]咪一條路, 整埋地圖, 你又唔睇識ge, 我每個交接位都有影相, 你去到實明
     

    回覆刪除
  2. 你哋Le個勞動節真係幾勞動wor 我齋睇相,又上山、又樓梯、又長命斜、又小路、又崎嶇不平路、又馬路......我都.....盪失咗路! 行咗咁多路我頂唔順,要休息下
    [版主回覆05/03/2011 13:16:00]sight-see hiking 都頂唔順, 仲盪到迷路

    回覆刪除
  3. 婆婆, 蕩得好開心針呀.
    [版主回覆05/11/2011 12:54:00]佢自己話要蕩, 但一上去, 未坐穩就蕩, 係度呱呱叫

    回覆刪除
  4. ★珍妮 & 毛毛★2011年5月10日 下午9:18:00

    都幾金喎又長命斜, 仲有見唔到盡頭的樓梯
    [版主回覆05/11/2011 12:55:00]第一次行時都覺長, 但星期日再行, 好似好快就行完  

    回覆刪除