100227半走大欖自然教育徑

生日周節目開始, 天氣好潮濕, 海面好大霧, 媽咪都唔知去邊好, 惟有又去老地方, 本來阿妹無份, 但媽咪話阿妹第一年陪我過生日, 唔可能無份, 於是我兩兄妹又出發

山上同高樓都被濃霧遮了...

我地一路上, 都見霧, 塊地面好濕....

生日周, 僅有蛋糕, 先來毛冷蛋糕

好似話, 我聽日正日生日, 有真o架

睇下我, 行左無耐, 手腳都濕晒, 證明周圍好濕漉漉....

阿妹, 你生日時, 有無蛋糕呢

我地今日會半走大欖自然教育徑, 同圓碌碌郊遊徑同入口, 再在point 13轉回落大欖涌, 因為行足全程, 會去到大棠, 仲要行一大後先有車出元朗, 回家比較麻煩

幾棵鱗菇插在牛糞上

今日睇清地圖, 原來我地會行晒成段林道青龍頭段.....

我地上星期在呢個位去轉清快塘段, 今日繼續向上, 向大欖水塘前進....

一轉上來, 可能高山擋了潮濕氣, 全程好乾爽

上到最高, 有個觀景台...

可以一覽四周, 如果天氣好, 大陸, 香港, 南丫島都睇到...

繼續行程.......

 

中途會與圓墩郊遊徑相遇, 經郊遊徑去大欖涌青山公路, 會短兩至三公里, 但婆婆話怕無人行, 唔敢行, 我地繼續行車路, 其實今日係星期六, 行邊都少人啦

我地行行下, 大細媽好彩發現有隻黃麂跳入樹林, 雖然影唔到相, 但覺得好幸運

轉落就係 point 13

三個肉牌指示

超開心的婆婆                      

我地沿水塘段行去大欖涌...

同大霸越來越近......

到大霸了.......

我地今次唔行過大霸, 直落大欖女子監獄.....

我地入去員工俱樂部內水池影相, 似乎真係無人埋我地.....

我地出去監獄入口, 本來諗住要行半小時出青山公路, 好彩剛有的士載客入員工宿舍, 我地可以坐的士出深井村

今日遲出發, 10:50am 起行, 到監獄入口都 17:15pm, 原來細媽諗住5點前返回家整晚餐俾我地食, 惟有等第日先啦