本來我地全家在除夕日一齊去玩, 因為天氣問題, 大姨媽改帶婆婆睇早場, 仲問婆婆想睇邊套戲, 婆婆指明想睇 "72家租客" , 點知入場先知俾大姨媽搵笨, 變左 "花田囍事"
細媽知道婆婆心事, 又見天氣唔太好, 所以揀在今日星期六, 同婆婆睇早場, 諗住睇完即回家接我出外行下報償
當臨出門, 大細媽唔忍心獨留小孩在家, 婆婆又實牙實齒話我肯定乖乖在袋中, 於是.....
大細媽作出一個好大冒險, 就係帶埋我睇 " 72家租客"
媽咪負責買戲飛, 細媽帶婆婆同我去街上大小便, 然後在戲院匯合
入場喇, 好緊張, 細媽好耐未入過戲院
見我嗎
, 我就在袋中睡覺覺
12點多就完場, 媽咪唔想我又係行市區, 一於坐小巴入西貢食飯
又來哥哥仔間茶餐廳, 佢地已經認得我地, 見面有講有笑, 做街坊生意, 人情味比較濃...
快食完午飯, 遠處傳來鼓聲, 原來係舞龍醒獅
龍兄, 早晨
在新界區, 過時過節就有舞龍醒獅, 好有新年氣氛
細媽同婆婆一於決定追龍
其實好嘈, 我好驚, 但我一定要跟實大細媽追龍
出返海鮮街, 張燈結彩......
我地行去西貢海濱, 我就可以自由行
天氣凍, 起步一定要熱身.....
今日天氣唔錯, 有好多小朋友都出來.....
我一路行, 一路周圍同其他朋友仔打招呼....
今日停車場外咁多欄位o既呢
原來由今日起, 逢星期六日, 就有海濱嘉年華活動....
仲有在停車場入口外的一片草地, 加了石屎, 改為"寵物天地 - Pet Paradise" , 內有障礙物俾我地玩, 但我情願俾返個大草地俾我地仲好...
去後海灣果邊比較寧靜.....
我可以自由狂奔.......
好開心
回程時, 我地遇見Dr. 東東, 肥肥, 細細, 妹妹同佢地一個朋友仔....
肥肥哥, 好耐無見, 近來好嗎
話別朋友仔後, 原來舞龍醒獅舞到海濱邊, 好嘈, 我都係急步避先
嘆下下午茶先.....
我僅唔夠喉, 再行多轉
西貢真係好地方, 我地又遇到朋友仔 - 琥珀妹妹
表演者走晒, 我擺個 pose 影相先....
時間唔早, 走快兩步, 我地去小巴站旁, 姐姐間茶餐廳食個早晚飯, 早點回家休息, 唔知星期日天氣點呢
(洛媽 : 原本22/2出的20/2網誌, 無故無左, 原來自動返去草稿, 仲無晒字, 惟有在26/2晚重新再寫, 但已經大部分內容同字眼唔同晒, 本來是想用來記載叉燒洛的生活日誌, 現在可能隨時遺失, 唉.....
)
沒有留言:
張貼留言