091018大潭郊遊徑

今日又係香港島呀

主題係 : 大潭郊遊徑, 全長 5.2 公里, 官方預 2.5 hrs

由黃泥涌水塘公園主壩起步, 行往引水道左邊小徑

在引水道直行, 我地早排行過紫羅蘭山徑, 今次轉上山, 攀上436米紫羅蘭山

雖然起步已經係海拔兩百幾米, 但都要上路行石級上多兩百多米先抵山頂高點o架.

婆婆, 今日大把時間, 我地唔趕, 慢慢來呀

野生蘭花      

行行重行行..........石級                      

抵今日最高點 : 436米紫羅蘭山標柱, 又會咁大風ge

上山容易, 落山難 - 因為超大風, 睇下細媽把遮, 吹到變晒形, 仲堅持唔肯收埋

嘩, 又多級, 又大風................

毛巾都吹到打橫飛, 細媽要收遮喇

到C4103, 與衛奕信第一段匯合點.

我地小休, 品嚐細媽昨日早上為我地預備ge一口小蛋糕, 我都有一粒

徐徐下山, 見陽明山莊.

C4104            

淘氣小洛B

交配中的鳳蝶                          

過C4105, 經陽明山莊, 落回大潭水塘道.

要走過馬路對面喇.

過大潭道往郊遊徑另一段, 這路段途經多個二次大戰日子的軍事遺跡, 入閘口見有寫「黃泥涌峽徑」, 仲有地圖介紹添, 原來打後全段路係同黃泥涌峽徑重疊o架.

高射炮台遺址

我身後係在引水道旁已廢置的「貯水箱 」.

早後係沿引水道走.

「機槍堡」JL02 (第四站), 我地無上去「機槍堡」JL01 (第五站), 因為估應該差不多, 唔想又要原路行返落來

黃泥涌峽山下.

渣甸山配水庫, 有第六及七站牌, 介紹以前一帶有歷史.

應該係昔日軍事設施, 現已改作休憩地點.

接入金馬馳徑, 沿途有小小瀑布, 可惜唔可以落去玩水, 犯法o架

昔日黃泥路面, 早已鋪上石塊, 唔難行, 仲係樹木研習徑添, 一家大細來好合適.

過晒雅柏苑, 就係大潭郊遊徑終點, 我地無再行埋第九同十站, 因為我唔可以自由行, 於是打道回府了