091003洛極生悲中秋日

天公造美, 安排今日咁好天俾我又行山又賞月

因為要磨到夜晚等月亮出來, 加上我地未練好腳力, 所以我地遲出門, 又準備揀條短線行, 今日有阿妹同行

起步前, 有個小插曲, 就係我 poo poo 時, 有舊 poo poo 痴左在pat  pat毛上, 我再返去廁所洗 pat pat , 激屎

原計劃係入北潭涌自然教育徑, 再行上民俗文物館

復興橋下的小河流

路過幾間村屋, 其中一間長滿楊桃, 婆婆買左一袋應節呀

行入D, 我又撲入小溪內浸水, 大細媽又係無我乎

西貢常見的虫虫, 在獅子會有其大雕塑

以前的爐   

上民俗文物館   

文物館對出的小碼頭, 我地次次都影好多相, 但今次有埋阿妹, 唔同 D ga 

本應接上去上郊遊徑, 但媽咪見有大把時間, 就行去起子灣村附近的紅樹林玩下同影相, 當我行到紅樹林石灘邊, 自己就行落水邊玩, 又走來走去, 終於................

細媽發現地上有血路, 仲見我左腳仔滿是鮮血, 原來我俾石灘的利石定係蠔殼類割損, 血流如注, 細媽即時抱起我檢查傷勢, 但我可以太驚, 發狂叫, 唔俾大細媽觸及我腳仔, 於是, 一家折返回小碼頭旁的涼亭, 沿途畫了一條血路

安撫我後, 媽咪見血已停止流出, 用熟水幫我慢慢清洗傷口, 以防血液凝固粘實腳毛毛, 當清洗完畢, 發現在兩腳趾縫間割了約 2-3 mm傷口, 可能傷了血管, 才流了差不多成一茶匙血, 好彩自動止血咋, 當然細媽諗緊要狂奔回大馬嘔, 飛的士去診所呀

腳傷了, 唔可以繼續行山, 細媽抱實我, 大家都好無奈

返回北潭涌管理處, 媽咪帶婆婆入內參考, 起碼唔怕悶親婆婆.

仲好早時間, 我又唔可以落地行, 媽咪佢地先回市中心醫肚, 再在附近搵襪仔俾我著, 而我就笑唔出了

去海濱消磨時間等月出

大細媽幫我著襪仔試下行, 我又唔覺有問題, 仲同其他狗地玩添

只係間中甩襪仔, 即時著返又無事

突然細媽叫媽咪抬頭, 發現好靚的光線

跟住細媽又叫媽咪走近堤邊, 原來靠岸有一條兩呎多長的龍躉, 四處游動, 引來好多人圍觀         

媽咪, 月亮仲未出來, 不如食晚飯先Lor.

媽咪今日有帶外閃1燈籠出來, 話要幫我同阿妹影中秋節相 wor

月亮初出, 好似街燈咁        

背景太黑, 加左外閃, 原來出來效果一般咋

背景有光, 好好多

影大合照無晒背景, 好似在用左黑布幕加個燈泡

有螢光棒都突出唔到          

呢張似有快熄滅ge 煙火, 其實似椰樹反光咋

唔用閃光燈, 效果反而仲好

月光投影海面, 好靚

本來想用婆婆買來的楊桃, 一齊在西貢影相來應節, 但大頭蝦媽咪又唔記得, 惟有在家中補返      

今日雖然有意外, 但總算人月兩圓, 希望以後唔會再會發生

祝各位中秋節快樂