230107勇爬大金鐘

上星期係二選一, 最後揀左去大棠趕紅葉尾車, 今日就行去昂坪大草原. 大媽怕唔夠體力, 今日由大水坑起步.

入茅坪古道.

茅坪廢屋.

我地早, 來到五聯達, 一個人都無.

馬上入去古籐影下相, 無人阻左入鏡.

好喇, 要走, 向昂坪出發.

來到平原, 藍天白雲.

但好大風, 時間早, 滑翔傘未到.

大媽望住大金鐘, 話當年帶坐家洛同婆婆, 唔敢冒險上.

問下細媽, 佢一口答應, 最多埋到去, 如果條路太惡劣就唔行.

好, 起行.

好大風, 都驚大妹吹走.

頭段都可以.

接住, 多碎石. 想當年, 呢段路碎石無咁多, 無咁闊.

手腳並用咁爬上來.

細媽好快, 撎到呢個位等大媽.

繼續爬.

 終於爬到536M標高柱

遠眺九曲山(近年行山人叫彎曲山)同馬鞍山

家洛, 今日由大妹為你完成使命.

要落山, 原來要行一段山脊, 旁邊就係懸岸.

呢邊落山主要大石級, 相對易行好多.

接返麥徑M080

回望, 達成心願.

向九曲山前進.

呢個位, 家洛每次都打咭.

滿山山薑子花.

舊稱九曲山, 當年我地行山, 上網係叫九曲山, 唔知幾時變左彎曲山.

山薑子花好香呀.

到M078, 近年起左個觀景台.

家洛, 記得呢個位嗎?

落山都無乜位可以坐低食野, 我地就行落少少, 有幾舊平石, 一路食, 一路望靚景.

西沙榕樹澳一帶.

去到M074有分岔位, 我地想轉去右邊往南山村方向行下.

一路走, 終於出到車路, 好彩有行山人準備入路, 問路知往右行就係.

一路靠右, 唔可以轉去左.

行過芙蓉別, 過埋南山里, 見3號綠Van在對線上來, 我地就企定等佢轉回頭, 好彩呀. 08:02起步, 14:26上車, 行又爬足6個半鐘, 夠晒皮.