221030姜濤灣之旅

婆婆腳損, 好耐無出外, 見佢傷口埋得唔差, 行路可以, 今早同佢去附近豪宅食早餐. 年幾無來, 連餐廳都轉左, 但仍有幾個姐姐識, 走來同我地講好耐無見.

221029廣源往東洋山

 入秋, 芒草盛開, 近近地, 東洋山都有, 適合我地久休人士行. 家洛, 上細媽號私家車, 出發上山喇.

221022入秋大妹首步禮

未踏入9月, 已經同家洛講, 入秋又涼, 我地就三母子一齊郊遊, 家洛坐細媽號, 去最方便的深井行. 可惜, 現在已無法實現. 今日由大妹代替阿哥, 太陽帽隨行.

家洛小天使

今日係家洛回天家的第18日, 我地都習慣了. 細媽話昨晚夢到好多長毛狗狗, 就係見唔到家洛.

家洛, 你係咪忙緊修練呀 ?

221007至愛雪糕

昨晚, 姐姐代我地問家洛你想大細媽為你做乜野事, 姐姐感應到係一杯雪糕, 你話好鍾意食, 凍凍地, 好好味, 我地放雪糕靠近你鼻子, 你就會收到. 大細媽知你至愛 Dreyers芒果雪糕, 以前都一年一齊分享食幾次. 因為怕你會肚痾, 今年夏季都無買俾你食. 知道你鍾意, 細媽今晚收工即買. 我地又圍住一齊食.

221006我正式名是黃家洛

今晚, 你話俾姐姐聽, 你鍾意我地叫你家洛, 當我地叫你家洛, 因為係一個正式嘅名, 好正經嘅名, 你覺得我地好尊重咁以一個男仔名咁叫你, 你好鍾意, 好開心, 好親切, 係身分認同, 代表你屬於黃家一份子, 感恩呀。

Catherine 姐姐好早期幫手申領的身分證, 雖然無換新智能, 但我地會好好保住此舊證㗎💖

221001陪嫁飯碗

呢個飯碗, 係16-5-2005同家洛一齊來洛家, 每次飯後, 我地都好小心翼翼清潔擺放, 現在會安排伴在洛洛一起💗

 

221001化作青煙

 生命總有離別時, 今日, 我肉身也要離開塵世.