211218覆診日

又三個月返診所驗血覆診. 先登記, 一上磅, 竟然得 5.3 KGS, 大細媽唔相信, 再磅, 真係呀. 媽咪話上次 1/ 10覆診磅到5.6 KGS, 即係瘦左. 已返屋企再磅.

先見醫生, 醫生先睇眼睛, 佢話我右眼應早排損左, 眼白有血管增生, 所以間中就紅, 上次配藥時, 醫生開左一支消炎藥水, 一支眼藥膏啫喱. 眼好紅同有濃眼分泌物時, 就用消炎藥水, 開封一個月就要掉. 平常用眼藥膏啫喱滋潤眼睛就得.

我近排挑食, 醫生話狗狗老左, 味覺有變, 要令狗狗食多D.

大細媽暫時留我在診所抽血化驗, 12:30返來接我同睇報告.

報告出了, HCT 數據穩定. 其他都可以.

腎上腺指數正常, 但腎同肝指數又高左, ALKP 稀釋再驗都係咁, 始終我已老, 醫生話大細媽要接受呢個事實. 繼續保持優質開心生活.

因為我腎功能開始差, 影響食慾, 打算將 Vetoryl 再調低份量, 希望我有胃口食多D, 咁有多D抵抗力. 一個月後返來覆診睇效果.

因為我食少左, 醫生建議除正餐外, 再用低脂肝腎濕糧餵, 如果唔肯食, 加熱水打攪碎, 用針管 force feed. 希望我可以再增加營養增重. Eva 姐姐仲俾兩包乾糧樣本俾我, 如果我肯食仲方便.

醫生話我今日有缺水現象, 要幫我打皮下水呀.

Azodyl 全球缺貨, 醫生話腎興係中藥都唔錯呀. 細媽話因為發現我有返軟便, 腎興無益生菌, 所以買返 Yumidigest, 醫生話呢隻幾好, 可以呀.

今日拎住部份藥同一罐濕糧, 細媽話要試下點安排餵我食先.