200619覆診日

好快就兩星期, 因星期六及日, 醫生例期, 媽咪今日放下午, 返來餵我食四點一次黃金水, 跟住同我來覆診. 上來, 先上磅, 竟然磅幾次都係 5.7 KGS, 重左呀.

唔夠三分鐘, 我先入去抽血先.

今日驗細血, 好快出來.

到我地入去見醫生同聽驗血報告.

紅血球比容(HCT)由7/6的 29.0% 升到 34.20%, 醫生話情況理想, 相信過多一星期, 應達到正常37%以上. 但怕一停藥, 牛蜱熱有機會又返來, 所以安全計, 食多兩星期. 唔轉其他溫和藥, 以免影響造血進度.

而尿素高, 醫生有安排驗腎指數, 又正常呀. 媽咪話因加左牛肉俾我補血, 醫生話有機會係咁. 匾指數顯示正常就得. 而肝酵素比18/5時的740 U/L 低, 問題不大.

佢幫睇更表, 幫我約 3/7晚 18:00, 咁媽咪又係下午請假, 餵我食完藥後, 睇時間出來呀.