今日係雨天星期日, 就算好天, 都唔會去其他地方, 因為要覆診.
體重同樣係 5.5 KGS, 今日先見醫生, 醫生問下我呢個星期狀況後先驗血.
報告出了, 紅血球比容(HCT)由上星期日 24.7% 升到 29.0%, 雖然唔係大細媽期望的 3 字頭, 起碼無惡化跌呀.
醫生話見造血仍係慢, 但黃金水有效, 怕轉其他溫和藥會影響造血進度, 現在唔駛一個星期又返來驗血咁密, 反正佢由下周開始, 星期六日都放假, 今次開兩星期藥. 佢幫我地睇更表, 19/6 晚 18:00 可以預時間俾我地, 咁可以就媽咪下午請假, 返來餵我食完藥先出來呀.
我會繼續努力.
覆診完, 先返屋企安頓, 再去新飯堂食飯.
點知婆婆懶, 話有雨, 唔願郁, 咁我地三母子出動囉, 唔預婆婆, 都唔會買外賣俾佢, 怕佢以後次次都話外賣俾佢就得.
婆婆, 呢度可以望到獅子山, 食得安樂, 下次唔好懶呀.
沒有留言:
張貼留言