120729風後巡視大浪西

又到週日游水日, 十號風球後, 唔知去大浪西的小徑, 有無塌泥呢


好彩全條路無乜事, 樹木都好少吹斷, 真好彩, 而水塘的水, 比上星期多了點, 見山水源源不絕流入塘, 唔錯....

又話間中有驟雨, 入到西灣亭都好好陽光, 但又唔算好熱, 落到沙灘, 有薄雲遮擋, 都OK....

但媽咪今日就差左D, 佢幅太陽眼鏡竟然唔見左個鼻托......

佢對涼鞋見到, 竟然開心大笑添


我都幫佢唔到, 惟有自己落水玩....

同上星期日相差好遠, 無河水急流....


潮水又退得好勁....

沙灘上的砂成了波浪紋......

想游出去, 又有浪湧入, 好驚驚呀......


但大細媽又行左出好遠, 我惟有試下再出去....

原來行出少少, 浪會平靜D.....

一近岸, 浪又湧來......


我試左好多次, 先放膽游出去搵細媽咋.....

搵完細媽, 又轉個彎去搵媽咪....

游左好多趟, 當然唔放過跑沙灘啦....

跑呀, 跑呀, 不知幾爽....

跑幾轉熱了, 又落水游下.....

跑跑游游, 就係我呢個夏日好節目....

唔好以為係垃圾或海草....

其實係我水中泳姿....

不經不覺又玩左一個鐘....

見有遊艇大軍殺到....


媽咪聞到好咁勁偈油味, 都係時間回程了.....

當上的士時, 媽咪佢又唔小心, 整爛相機袋條繩, 佢今日搞乜鬼呀.....
又爛鞋, 又爛太陽眼鏡, 又爛相機袋繩, 你仲有無整爛其他野呀