好趕時間呀, 婆婆, 你識路, 我唔等你, 我快跑去沙灘玩, 爭取時間玩.....
今早起身一場驟雨, 以為西貢又天陰, 大細媽鬼屎咁開心, 又話間中有陽光, 原來西貢天氣幾靚...
今日大浪西灣好乾淨, 無垃圾同枯樹枝...
正呀.....
如果頭頂一片厚雲仲正....
今日退潮好勁...
無河水流出來, 無地方游水....
惟有撲浪花消暑...
細媽話見水退, 去舊碼頭仔的路出來, 我地一於行去玩, 因為多岩石, 婆婆留在沙灘漫步...
呢度影蚺蛇尖仲靚....
我地影完相, 見海蝕洞旁的位置, 原來無浪, 好o岩我游水...
以為今日無好位置游水, 點止俾我地搵到個好地方....
又乾淨....
又無海草之類....
我來回岸邊游左 10 幾次以上....
細媽 : 洛洛, 快D出來啦....
我好攰, 休息下都得卦...
唔好叫喇, 我游出來搵你地啦....
你地唔知, 以為我游左出去好遠ga...
係咪離岸邊好遠呢
又跑又游個多鐘, 夠皮了....
係時候回程去淋下身, 再出返去西灣亭了....
今個上午, 雖然間中有雲遮下太陽, 但一直好好陽光, 回程都幾辛苦, 好彩媽咪入定樽水俾我沿途淋水降溫咋....
下星期日係大暑, 唔知會唔會熱傻呢
大浪西灣真係好正水好清，洛洛游得好開心，有部防水相機都幾好喎！可以影低洛洛泳姿。
回覆刪除[版主回覆07/16/2012 13:30:40]有防水機真方便, 雖然畫質比 J1 及單反稍差, 但唔屎就住來用, 又可以影低開心事, Good ga
哈哈~ 你去大浪西.. 我地就去白腊
回覆刪除[版主回覆07/16/2012 13:31:26]一樣水質清澈, 原來我地那麼近
我地去左白腊, 真係在同一個區, 但係又見你唔到呀, 大姐, 如果去大浪西我一定頂唔緊, 因為我家隻"小小豬油飽"加下行得唔快, 又唔多願行, 佢唔行呀, 我要行, 我估我一定中硬暑呀.
回覆刪除[版主回覆07/17/2012 17:35:01]我地玩完, 唔會去碼頭果邊食野或坐車回家, 真係難遇上
大浪西灣好靚, 不過回程就辛苦d
回覆刪除[版主回覆07/19/2012 13:36:16]我睇返地圖, 由西灣亭去到吹筒坳, 路途平坦. 由吹筒坳來回西灣, 同萬宜道來回白賭, 路程差不多長度咋
由浪茄上返東霸, 楊級多又高, 仲辛苦D