120722 T1 下撲浪@大浪西灣

今早熱帶低氣壓已現成為熱帶風暴韋森特, 細媽未夠 6 點就醒左, 望出窗外, 好好天, 雖然仍是一號風球, 佢估早點出去玩, 應該無問題, 於是又 morning call媽咪同婆婆 

望落幾好天, 仲好曬, 好彩唔係太熱, 但媽咪估下午會少人來, 中午應該無加班村巴, 又少的士, 怕遲回程無車, 我地唔等 8 點鐘班村巴, 直接坐的士來

可能昨日無出街, 今早一開屋企門口, 我就由檯面飛撲出門, 直衝去升降機門, 細媽話我屎唔屎咁心急

婆婆都無偷懶, 即叫即醒....


嘩, 一到西灣岸邊, 天空好厚雲, 好大白頭浪....

媽咪, 好似好難游水喎....

行去小河邊, 好深水, 我好勇敢游去對岸....


而婆婆腳短, 過唔到去, 惟有留在原地望我...


大細媽過河, 有些位置, 水都深到在大脾中位GA....

大浪一路湧入.....

我地就等浪一退, 就過另一邊....

來回好多次, 都有點攰....

除左游水, 我都有跑沙灘....

撲下浪....

浪來了, 快走呀.....

媽咪佢地都唔敢企太出....

我真係好愛在沙灘喪跑....

在沙灘, 我先會跑到離地....

除左跑沙灘, 掘沙又係我強項.....

都話左大浪啦, 婆婆行出少少在河邊洗下手, 就搞成咁

浪濤洶湧, 下午天氣可能會惡劣...., 所以早點回程了....


今日雖然只係留在沙灘得一個鐘多點, 都好夠了....

回程時, 今日真係少左人來, 即係好少的士啦, 媽咪決定正確....
我地到西灣亭無耐, 上午最後一班村巴就駛來....

本來預一早又風又雨, 好彩又俾我地玩左一個上午...
回到家中樓下, 就開始落雨了, 真 Good Luck , 又寄望下星期了....