110813避暑夜遊

雖然今日又係大細媽短週, 但我除左一早去玩水, 都唔知咁熱天氣, 可以去邊, 怕熱到中暑就唔好啦, 佢地又唔想我一連兩日沖涼, 今早咪同媽咪瞓晏D, 等媽咪久多點休息....

 

細媽又瞓得唔多, 佢一早起身, 又實習下......

今次整咸味月餅, 用男爵薯仔加雞肉及芝士......

今次皮夠薄, 又脆口, 但出唔到餅模花樣, 薯味一流好好味, 唔似一般焗薯咁淡口, 但男爵薯比較質感軟身, 細媽要諗下點改良喎

仲有包左一星期粽子, 當我見細媽拎粽葉出來清洗時, 我已經知道係包粽, 心情好緊張, 跟實細媽呀

到下午, 我同大細媽又瞓午覺, 到 4點半先起身裝身, 因為媽咪話近黃昏5 時後, 唔會太熱喎....    

就係太興奮, 當媽咪在前面影相, 我就咁直撞埋個鏡頭, 鍚左鏡頭一啖

城門河畔日落好靚, 日落柔和陽光照來, 好舒服.....

今日又有風添, 比早上11多點的烈日, 相差好遠.....

望日落景色, 真吸引.....

黃昏 magic hour, 每一分一秒都唔同.....

雖然唔熱, 但行左個多鐘, 點都有D攰, 好彩隨時有 MM11坐咋

本來諗住今日入深井影月光光, 但媽咪諗唔到下午去邊, 上清快塘又會熱屎我洛B, 最後打消諗頭, 點知今日在河畔見到大大個月光

平時早上經過沙田大會堂, 都無為意幅牆有字, 晚上開燈先見呀......

原來夜行真係好舒服, 可惜只適宜星期六或翌日放假, 細媽話今年暑假比以前熱, 佢又多左短週, 在未秋涼前, 就多D來夜行喎