2011年1月15日

110115訪紅葉元荃走

本來媽咪想今日登高峰, 但天氣凍, 又加上佢唔太舒服, 都係搵條唔太辛苦路行

入冬後, 成日話去大棠睇紅樹, 一於今日啦


我地未夠 9 點就來到, 9:06am 準備正式出發時, 有個金毛靚女走來, 叫我玩, 我要出發, 無閒招呼佢             



紅葉路在大欖林道大棠段, 所以向大欖自然教育徑方向走....


到教育徑起點係兩公里....





其實起步無耐, 沿路已經種了好多楓香樹, 相信多年後, 紅葉路會咁長, 媽咪話, 相信我有生之年, 都應該睇到滿山滿路紅葉景象





到教育徑分叉位, 我地轉左繼續大棠段....





最茂盛紅葉美景已過.....             


但仍有殘餘未落葉......











訪完紅葉, 我地接回了元荃古道 C6119, 開始我地元荃走


到吉慶橋, 呢度都係麥理浩徑交匯點, 小休一會, 我地繼續行程.....


因為今日揀古道行, 我地要轉右接水塘段, 又可以行圓墩郊遊徑添o架, 有齊路標指示, 唔怕行錯方向....


永吉橋....      


o拿, 又見路標, 沿元荃古道往田夫仔.....


嘩, 一大段石級, 但行山無石級, 仲係行山咩


我地在林徑左右轉, 因為好多位置無陽光照射, 有些位仲刮大風, 停留下來會好凍, 大細媽唔想停下, 一停實凍屎


中途有幾個位置, 都可以轉入圓墩郊遊徑....





途中, 想唔到好凍, 好凍, 媽咪凍到肚仔有點覺痛....


一路走, 唔好停, 相都影好少.....


轉回林道清快塘段......


11:30am就到清快塘啦, 大細媽都想唔到咁快, 佢地諗住龜速婆婆起碼要成 12點幾到 1點先到 

C6112, 呢度係退出點, 但又好似好早o番, 媽咪又覺應付到, 一於行晒餘下古道....





我好鍾意呢舊石, 次次都要咁擺pose











又轉上林道田夫仔段...


轉落田夫仔露營場....


有溫暖陽光, 於是我地選擇係度食午餐.....


過田清橋....  


又係一大段上斜石級......


行了一大後石級, 呢刻, 媽咪覺得有點攰......





接返林道, 當然輕鬆返....


又入泥徑..... 


其實一路未暖過, 行到 C6107, 孱弱媽咪可能俾凍風吹親肚仔, 肚好痛添, 四周又無廁所, 見沿途都未遇過其他行山人士, 就速速找個隱蔽地方方便.....

好彩咋, 過了一陣, 就有10幾個行山人員經過, 否則媽咪無法解決, 一定出事


到C6106, 大斜上, 媽咪一路行, 一路想嘔, 但又嘔唔出, 好辛苦咁捱上去.....

到頂時, 佢右腳趾抽筋, 腳趾向內抽, 終於要停下拉筋


到C6104, 媽咪左大腿又抽筋, 鬆完筋, 行了一段, 又到右大腿抽筋, 媽咪又凍, 又雙腳抽筋, 好內疚, 因為阻慢了我地行程喎


婆婆話 : 我記得呢度, 都行左一大段, 仲有好少路, 又咁早, 慢慢行o羅


呢段都係開揚路, 陽光照在身都暖些, 媽咪雖然仲覺凍, 但已經好好了.....


雖說話有陽光, 但風都唔細....


到石龍拱....    





遠遠見維妙維肖的猴頭石嗎





見荃青一帶, 即是行程快完結.....


到官方元荃古道起步點 C6101, 都係 14:53pm


經過村屋, 細媽例牌抱我, 事關怕有村狗o羅


快引水道時, 媽咪發現有松鼠呀, 跟住行過幾十呎, 又在另一棵樹又見另一隻, 佢地話好幸運呀





到荃景圍都係 3點半咋, 如果唔係媽咪肚痛同抽筋, 3點都可以用 6 小時行晒全程呀                  


10 則留言:

  1. 嘩~~ 大姐你唔c服都行左貢多路 ..
    真係 .. 搞笑 .. 我地今日行o既 .. 路, 有緣o既1可能會撞到ka
    [版主回覆01/18/2011 13:03:00]你知我係乜事啦
    原來咁, 會比平時孱弱, 下次會揀短程些, 同著多件衫
    我地同區, 唔同路o架, 我地在上路, 你地在下段路, 相距都有一大段
    如果你地係去田夫仔, 就有可能碰到

    回覆刪除
  2. 我地上次喺九龍坑山都俾我地見到隻松鼠,但係佢跑得好快,係欄腰由我地右面去左面!好似喺我地前面過馬路咁!
    [版主回覆01/18/2011 13:05:00]我地在香港島太平山, 大欖水塘都見過, 今次係近距離, 難得有時間影到一張相   

    回覆刪除

  3. 咁難影到比你影到,勁呀
    [版主回覆01/18/2011 13:07:00]我一見即影, 都無時間校 setting, 影完就跳上高位樹杈了...

    回覆刪除
  4. 果d松鼠,我哋之前屋企隔離都有呀!但我每次想影佢哋相,都俾佢走左!
    [版主回覆01/18/2011 13:09:00]我都無時間, 隨手即拍, 只此一張咋
    咁你以前咪日日有松鼠相伴, 我地都想

    回覆刪除
  5. ★珍妮 & 毛毛★2011年1月16日 晚上11:17:00

    大姐你唔舒服就早d 落山啦, 搞到d 地方dirty 晒
    近排天氣涷呀, 你一家都要好好保重身體呀
    [版主回覆01/18/2011 13:12:00]如果我預知會肚痾, 就o係清快塘退出啦
    好彩唔係在商場, 否則俾人以為我係自由行........
    又好彩搵到隱蔽位咋, 否則賴左仲醜屎人呀

    回覆刪除
  6. 見到松鼠真係幸運啦!
    洛媽凍到肚痛,同我上次行吊車徑一樣,開始無耐就肚痛,都 唔知點算!好彩休息一陣就無事。其實凍到肚痛係作病啦!尋日我哋西貢大風到癲,我己經比平時着多咗衫,但在路上超勁風超勁凍,凍到半秒都唔可以停,迪蘇件衫都全程無除過~~~我幾驚尋日冷病呀!
    搞到我今日想去買番件cortex連抓毛底,可惜未大減價,今日折咗都要二千,我等下先!
    迪蘇媽字
    [版主回覆01/18/2011 13:19:00]你都要小心身子呀  
    我本身腸胃底子差, 加上今次係不方便日子, 所以更容易凍親肚 lor....., 未試過行山會咁o架
    又嘔又抽筋, 肯定係低溫所致.....
    我都想 join 你地, 但要坐大飛, 婆婆肯定頂唔緊, 佢老人家冷親就慘....
    我見你地都吹到傻晒, 好彩無事咋
    禦寒衣服好重要, 你住囷頭好凍, 快快置裝呀

    回覆刪除
  7. 其實唔一定要坐大飛架,原來果邊個碼頭都有翠華船架!
    仲有黃石去塔門船都會經高流灣架!下次如果大家有興趣,我哋再計劃輕鬆行山海鮮團咯!
    [版主回覆01/18/2011 13:48:00]我知道有大船, 只係班期疏落 lor......
    咁等你地 planning, 到時再夾啦

    回覆刪除
  8. 咦..! 你終於都行呢氣徑啦! 不過紅葉都應該落得差唔多啦~
    [版主回覆01/26/2011 13:28:00]唔緊要, 接住仍有好多年, 可以繼續去訪紅葉

    回覆刪除
  9. 行山行到咁狼狽咪好難忘 ,要小心身體呀!
    [版主回覆01/26/2011 13:29:00]我第一次咁咋, 都又真係幾狼狽 o既

    回覆刪除
  10. 我地最近行啲山,見唔到紅葉呀!你行哩度啲紅葉真係好靚呀!
    [版主回覆01/26/2011 13:29:00]年底約埋行啦

    回覆刪除