, 但婆婆偷懶怕凍, 唔肯早起身
, 只有我三母子咋
我地坐 8:35am船入來南丫島索罟灣, 事關想上菱角山
在碼頭, 見到一棵蘆薈, 仲開心添, 原來蘆薈花係咁o既......
我地向模達灣方向行, 因為有工程, 好多小型車來回走運泥, 媽咪惟有抱我過晒地盤, 我先可以自己行咋......
過左模達新舊村, 到公廁旁, 就有樓梯直上菱角山, 我地07年11月10日都行過, 今次反方向行
07年行程.. http://hk.myblog.yahoo.com/phyllis2210/article?mid=799
一路係石級, 一D都唔難, 只要有耐性, 慢慢上就無問題....
又話有太陽, 望遠遠都係一片雲咋.....
山上奇型怪石, 憑大家天馬行空來想像....
狗仔石呀...
幾年無來, 原來菱角山加建了發射台, 一定係電視數碼廣播而起的....
又到最高位, 都係 250米咋...
落山啦....
到菱陰坳, 我地會轉右落返索罟灣.....
到索罟灣, 去邊好呢
細媽 : 僅係醫肚先啦
飽肚後, 僅係去榕樹灣走啦......
當快到蘆鬚城村, 見有絲絲陽光啦....
好多年前, 大姨媽帶過我地去蘆鬚城沙灘, 但當年我仲細, 又無相機, 無影過相呀....
又來走走, 過晒泳季, 應該無救生員同職員當值
一於偷雞先我地無落沙灘, 走去對出的燒烤場....
四周無人o架....
八卦完, 我地行另一段路, 出返蘆鬚城村, 繼續往榕樹灣....
或者凍啦, 遊客比平時少....
密雲下, 陽光竟可破天照落海, 好靚呀.....
到洪聖爺灣....
又係八不准地帶, 但我見有村狗在沙灘四處走 lor
臨近農曆年, 又係炮仗花盛開季節, 真係應節
過晒南丫幾個村, 到榕樹灣過走啦, 我地坐 4 點船走, 上年10月尾來南丫島, 4 點半船, 全船爆滿, 今次都無 3成客, 相差好遠呀......
唔知下次再來, 婆婆會唔會又唔信坐船, 唔肯跟我地呢
狗石頭 .. 真係好似狗仔呀
回覆刪除[版主回覆01/26/2011 13:34:00]另一角度又唔同 ga ....
你地都好早喎, 我仲瞓緊覺喎
回覆刪除[版主回覆01/26/2011 13:46:00]所以咪難一齊約行山 lor.....
Le張相感覺好喜慶、好靚呀！班friend今日晨早出動，我同婆婆一樣>>>>, 唔肯早起身，冇join呀
回覆刪除[版主回覆01/26/2011 14:18:00]洛婆婆怕凍怕暈船浪, 遲D回暖, 佢又會蠢蠢欲動 o架
回覆刪除呢幅幾好呀 - 我們一起看海的日子,.
[版主回覆01/26/2011 14:19:00]專登咁影, 想有 feel
狗石頭，真係好似呀！ 我曾經有個願望，希望第時退休，住南丫島！
回覆刪除[版主回覆01/26/2011 14:20:00]我地就唔想離島, 心儀西貢
原來婆婆連大船都怕?
回覆刪除[版主回覆01/26/2011 14:21:00]只係近來凍, 佢怕太大浪, 會暈浪船o者