, 懶鬼婆婆都肯出動, 但因為細媽下午有大 project, 所以都係來赤徑 hea 半日啦
話有太陽咋, 但在無陽光照射下, 都好有寒意, 媽咪怕凍親, 又係成隻裹蒸粽出場
唔跑會凍屎我洛B, 跑呀........
轉左山頭另一邊, 在陽光下, 運動足, 暖意夠, 我可以露出微笑
到赤徑村, 我一定走出紅樹林小河呢度....
一片大草地, D無良人士在此生火露營, 遺留被燒焦的大石同木頭, 污染大自然, 太過份
紅樹林岸邊, 雖然草已枯萎, 但一入夏, 又會萬象更新, 陽光好暖, 媽咪話我凍到好耐無露出笑容啦
過小橋入村, 我要留神, 有無村狗....
碼頭一號
今日唔見晒 D村狗, 唔知佢地去左邊呢
碼頭二號 (話你地知o丫, 碼頭名係細媽自己起o架
)赤徑海邊, 今日D海水好清徹 同上次唔同.....
到露營區, 最愛在此跑, 跑, 跑......
陽光下, 媽咪除了外套...
Hea 到差不多, 我地12點多左右, 走到赤徑碼頭, 準備坐 12:20am 船回黃石碼頭.
點知突然有一艘水警駛來......
船上仲有好多警察, 消阞員同救護員, 何事呢
十幾人浩浩蕩蕩上山, 原來係有行山人士求助要救援.....
仲聽到前來碼頭的行山人士講, 有三人四狗在一齊待救援中...
空中仲有直昇機盤旋待命....
媽咪第六感又再出現, 佢心緒好亂 : 唔會係迪蘇叻及噹得B三家人卦
因為水警泊在赤徑碼頭, 當渡輪來時, 我地要騎過水警輛上渡輪, 我一家生平第一次騎水警過船
船過船都幾危險, 好彩好親切的水警哥哥同行山人士和船員, 幫手扶婆婆上落咋....
抵達黃石碼頭, 正等候電召的士之際, 水警輪已經好快靠岸....
媽咪在消防車同救護車空位間, 見到似叻媽及幾隻莎莎身影, 於是飛奔跑去....
原來真係迪蘇叻二家人, 但就無狗地三兄弟....
因為迪蘇媽上山途中唔舒服, 迫於無奈要救援....
好彩吉星拱照, 迪蘇媽在山上休息一段時間後, 落山及抵黃石已無大礙....
唔知呢 D係咪緣份咁又碰上, 但我地唔想下次在途中咁情況下相遇 lor......
回市中心, 僅係醫左肚先回家, 我地在西貢海傍廣場的一間港式燒烤店食午餐, 杯餐飲大到好厲害, 細媽話淨飲都夠飽
一份套餐有一豌麵, 一隻燒雞翼, 一杯特餐飲咁多野食, 超級滿足
Hea 完半日就回家喇......
其實今日天氣都有 D點溫暖, 但媽咪仲係覺有點凍, 回家就上床休息.....
點知起身仲係發冷, 原來發燒呀, 有成攝氏 38度, 唔通行山時, 時寒時暖, 又冷親
惟有食藥早上床找周公傾訴心情啦......
哇..原來要出動海陸空仲係咁多人去拯救0架..keekee..呢日冇份去行山..冇份去坐水警輪呀!!
回覆刪除[版主回覆01/26/2011 14:25:00]路人話 3人4 狗, 我真係以為有你份o架
尋日天氣真係好正呀！
回覆刪除[版主回覆01/26/2011 14:26:00]東平洲都係, 你地肯定好開心
我番到屋企都仲頭赤，瞓完一覺先有力出去買貓罐，買完又番黎瞓，瞓到夜晚八點先起身啊！
回覆刪除迪蘇媽字
[版主回覆01/26/2011 14:28:00]唉, 雖然當日好天, 又有太陽, 我都一樣衰左, 發燒添
今星期, 大家都唔好再有事, 仲要係一直都身體健康
大姐你要乖乖地休息多d啦, 行半日你都頂唔緊 .\_/.
回覆刪除[版主回覆02/01/2011 12:51:00]近來忙, 天氣又凍, 我會 hea 住行o架喇
水警輪係黎接我哋架! 因迪蘇媽唔想我哋行四灣,同埋上蚺蛇凹真係辛苦嗎, 所以先出此下策喳! 哈哈~
回覆刪除[版主回覆02/01/2011 12:53:00]原來實情係咁, 辛苦晒迪蘇媽
請問起點係邊樹呢？
回覆刪除[版主回覆02/15/2011 16:16:00]北潭坳 ^^