2010年12月12日

101212荃錦清段

昨晚婆婆睇東華, 好夜先肯去瞓覺, 媽咪起初打算行馬鞍山郊遊徑, 但天文台又報今早會有微雨, 又陰天, 佢最後諗住行下梅子林同城門河畔就算

點知今早, 佢地又可以 8 點前起身, 細媽唔想行城門河畔咁悶, 話不如翻炒昨日深井清快塘一圈, 但就反方向行, 起碼係石屎路, 唔怕落雨, 媽咪反對呀, 佢話不如去大帽山荃錦坳行去清快塘啦 

今次我地唔等小巴, 揀坐巴士去葵興, 再轉的士上荃錦坳, 的士費都係 $72 咋

去到大帽山, 本來諗會好凍, 細媽幫我圍埋披肩防冷, 點知天氣唔錯, 雖然.........都仲有少少天陰, 但媽咪點都真係今次精明選擇






有次遇到大姨媽同大細表姐係度野外定向訓練, 今日就碰唔到....


地面好乾爽, 又有風, 又試過天空穿了洞, 無晒雲, 但今日選呢條路段行山人仕就比較少, 唔通佢地怕落雨, 唔行山


分叉位, 唔去蓮花山方向, 怕行泥路時, 地滑跣到婆婆, 所以繼續麥徑


呢度一帶好多地洞, 當我地行到呢個位, 突然有架私家車, 無聲無息間快駛來, 嚇到媽咪即抱起我同大叫 : 有車呀

而婆婆也被此突然而險此絆倒入此洞

好彩最後有驚無險咋...........


我今日常常擺情心款款表情


為的是要細媽俾雞肉乾我食o羅











我地之前行的係大欖林道 - 荃錦段....


到M166-M167之間交匯位, 我地轉入青龍頭方向....


即大欖林道 - 清快塘段......


與元荃古道重疊的一小段, 其實另有一條小泥徑往田夫仔, 我地未行過, 媽咪話會搵次試下行....        





同元荃古道分手......


都唔明, 我昨日行左咁耐, 今日仲好精神, 心情仲係好好


又遇返元荃古道, 但我地要同佢 say goodbye, 事關我地要落清快塘.....


原來呢棵叫係冬青樹, 睇完全名又唔記得, 下次再去搜證先....





今日專心行山, 影左好少相, 又無預午餐, 因為......


我地又去熊貓酒店果頭食野 lor.......


今日只係行左 4 個鐘, 又係舒服開心的一日

6 則留言:


  1. 洛洛呢個情深深款,係愛黎襯雨濛濛既!
    [版主回覆12/14/2010 12:47:00]洛洛 : 我要晴天, 唔要雨濛濛

    回覆刪除
  2. 咁冬青樹同冬青膏有冇關係㗎?
    [版主回覆12/14/2010 12:49:00]呢棵冬青樹有醫療作用, 但睇完忘了, 下次再話你知  

    回覆刪除
  3. 婆婆冇咩事嘛
    [版主回覆12/14/2010 12:58:00]險些失平衡, 好彩無事, 無跌倒
    但唔明架車又行得快, 轉彎又唔響按, 你地都知果度係麥徑, 多人行, 熱門路線啦.....  

    回覆刪除
  4. 呢條徑諗住聖誕再行呀, 因好好行同風景唔錯呀~
    [版主回覆12/14/2010 13:00:00]我就諗去大棠睇紅葉

    回覆刪除
  5. 咁聖誕節我哋可以一齊去睇架~

    回覆刪除
  6. 2日都去同一到食lunch 又有新註腳點了

    回覆刪除