101227聖誕節最後一日Hea假期

今日係一連三日聖誕節假期, 本來有朋友仔約去大棠行山, 但交通要成個半至兩個鐘, 媽咪想全家瞓晏D, 其實係佢自己好攰咋, 惟有推掉約會啦

佢咪又安排好 hea 去同我玩o羅

細媽話凍呀, 怕我凍親, 吩咐媽咪唔可以幫我沖涼, 唔可以行泥路, 咪又行深井o羅, 今日輪到帶阿妹去街

其實深井儲水池都有幾棵楓樹o架.....

影完紅葉樹下, 我地又係由大欖自然教育徑起步, 今日陽光一樣咁普照, 而且比昨日仲溫暖添呀..... 

估唔到咁晴朗天, 仲曬到有點熱.....

又有楓樹呀....

細媽話元旦又係得 10度, 怕我今日唔沖涼, 下星期更凍, 更難洗白白, 於是落 order 俾媽咪, 襯今日暖, 早點回家同我沖涼涼

咁我咪可以盡情去鑽草掘泥o羅

我每次都捐入呢個水渠探密,  至今仲未有新發現....

我下次會繼續, 直至搵到佢神秘面紗先得....

話咁快, 我地又行到清快塘...

今次媽咪影埋棵冬青樹全名, 咁就唔怕又忘記....

行埋落深井, 呢個假期又結束, 但好似又有另一個假期來緊, 收到路邊社消息, 已經安排晒節目, 唔知好唔好玩呢