有幸叻媽約我地同一班莎友一齊去行山, 順道大人去享受美食, 媽咪僅係去啦
我地今日打算由烏蛟騰起步, 經上下苗田去三椏村, 9:15am起步
因為大家步伐不一, 我地同Kinder及佢朋友仔一齊行
起步一段時間, 我又開大, 細媽本想拎報紙, 突然發現跌左裝報紙同紙巾個膠袋, 徬徨之際, 幸好莎友借個膠袋俾佢, 點知過一會, 細媽在袋另一個位搵返, 你話佢係咪好大懵
今日開始回暖, 我仲有點凍, 所以唔敢開口笑 lor
在中途, 我地停留小休, 先頭步隊 : 迪奇同蘇菲已經到左一段時候....
在尾段一班莎友抵步小休, 我地又開始出發, 諗住早D到三椏村合益蜂場, 準備先 order 食物
今早好好陽光, Kinder 幾開心.....
因為我地等婆婆, 變左得我地一家在大隊中段....
到三椏村了....
11:33am 到今日主要目的地
迪奇, 蘇菲....
妹妹....
大B....., 其實今日有成 11個小朋友, 只係因前後行, 無影到咋.....
出名蜂蜜咸柑桔, 媽咪又有瘀事, 就係斟野時, 成個壺蓋跌出來, 好多柑桔水漏瀉成檯都係, 正一論盡鬼, 第一次約人行山就咁瘀, 真失禮
多人一齊, 真係可以點多D, 美食出場, 當然有大家最想食的三杯鴨.....
今日有14大人, 9莎, 1白威同我
1點半午餐後, 兵分兩路, 我地同叻叻繼續經荔枝窩去鹿頸, 而其他人同小朋友就經上路犁頭石折返烏蛟騰離開....
今次叻媽帶我地在荔枝窩村行另一小路上分水凹....
出省 lu....
叻叻 : 洛洛, 你咁嗲細媽ge
行行下, 有支樹葉釵插上頭.....
我地好專心行山, 所以好少影相, 但到分水凹都要小休一陣....
落谷埔一段都係石砌古道, 婆婆臨尾快到平地時, 又跣倒, 好彩小事, 拍下 pat pat 泥就行得.....
到谷埔喇.....
蘆葦海....
我地沿沙頭角海邊往鹿頸....
5點左右經雞谷村下到新娘潭路, 我地就o係小巴站同叻叻分手, 各自坐車回家
今日大細媽同婆婆好開心, 因為識到一班新朋友, 仲可以一齊去行山同食美食, 而我亦好乖, 今日好少吠爆新朋友仔 lor
洛洛你大媽的瘀咗一蘿蘿ka 啦, 唔係大新聞了
回覆刪除好彩婆婆骨格精奇先拍下pat pat 行得無事咋
[版主回覆12/19/2010 22:53:00]次次求精呀
個白威叫小b呀~ 出得好快呀 我媽媽仲未整呀 下次再行過第2樹呀1
回覆刪除[版主回覆12/19/2010 22:54:00]我只係記得叫B 咋
好彩你就我地行, 事關婆婆真係太慢, 昨日佢算快
下次邊度好呢
嘩，5點先到鹿頸啊！
回覆刪除我哋回程時又係好專心行，無特別加快腳步，但原來唔駛1個半鐘到番到起點，仲係行下路(見唔到上路入口)，估唔到咁近喎！
[版主回覆12/19/2010 22:58:00]因為去鹿頸段路比去程路長一倍, 加上婆婆慢, 叻媽就婆婆, 所以我地 5 點先到鹿頸
上路係回頭在三椏村十字路口轉右去士多村屋果邊, 只有一條路, 唔會行錯o架, 上路開揚兼短好多添
冇 join 我地 .. 都有朋友仔一齊行 ..
回覆刪除洛洛, 一定好開心啦 .. 識貢多朋友仔
[版主回覆12/19/2010 23:03:00]如果唔係天氣凍, 我地都一齊去左東平洲玩啦
難得再有朋友約行山, 我地好開心
吓，原來個路口咁近我哋食飯地方架？仲以為要行一段路先見到添！
回覆刪除[版主回覆12/20/2010 13:23:00]路口, 你指邊個呀
9:15am起程行到5pm？ 洛洛可以參加鐵狗賽Lu 到底洛洛有幾多頂帽架？次次都唔同欵嘅？
回覆刪除[版主回覆12/20/2010 13:23:00]我估超過 30 以上, 未詳細數過
原來洛洛係可以同史納莎一齊！好叻叻！
回覆刪除[版主回覆12/20/2010 13:24:00]只要係行山, 洛洛同其他狗地都可能一齊 ga
洛洛好叻呀 ,我仔仔見到史納莎會吠到C
回覆刪除