2010年4月18日

100418大圍至梅子林村口

天文台又呃人喇

又話會狂風雷雨, 昨晚只係有雨, 又唔覺好大風喎

媽咪起身見樓下有人擔遮, 地又濕咪, 又瞓過o羅

好彩細媽見停雨, 話點都要同我出街行下, 媽咪跳起身, 立即梳妝一齊出發

唔敢周圍去, 今日又行城門河, 但今次肯定行去河口







咦, 有雨落, 著返雨褸擋擋先 ^^








無雨了.....     


低近河口咁大風o架......


到河口, 繼續行, 係馬鞍山海濱長廊, 原來唔俾狗地入, 好晏了, 行去大水坑村食個午飯先再算     


大水坑村呢間茶座, 食物好抵, 又好好味, 比富安花園內的茶餐廳企埋, 又好多人來幫襯, 我地以後都來幫襯呢間





飯後, 媽咪想去搵由大水坑村上鹿巢山山路入口....


於是入村周圍行.....





行極都唔見, 有村民叫我地經梅子林果邊車路上山添, 上次咪咁落來 lor, 反正時間尚早, 惟有入回富安, 由呢個閘位上去車路行去梅子林村口行個圈....





每個避雨亭, 我都自動波坐低,希望細媽識做

















到梅子林村口.......


都係要返回頭了.....


原來入梅子林村, 有條短線落廣源村, 下次試下行先


落斜特別快...   





好快又回閘口位, 雖然兩日都係行簡單平路, 但我同婆婆都攰o架, 早點回家休息先


7 則留言:

  1. 又去d落雨既地方,你阿媽真識揀呀!我屋企無雨、仲有過一陣陽光呀!!
    [版主回覆04/19/2010 16:24:00]前一晚, 全 HK都落雨, 我睡到 10點幾先起身, 僅係去近近地啦  
    落左都唔夠一分鐘微微雨粉, 著完雨衣都無雨, 怕又落過, 都費時除 lor  
    沙田都有陽光, 行得好舒服添

    回覆刪除
  2. 上鹿巢條路,响新田餐廳左邊條石屎路直去,係晨運徑,平日好多人行架。
    新田餐廳魚麵好味,阿媽必食!
    [版主回覆04/19/2010 16:30:00]我見好似有條石屎級上山, 又唔好肯定, 唔敢上 lor, 唔知係唔係
    魚麵巧巧味, 但少左D
    我地見其他人點午餐都係 $25, 其中一款係黑椒豬柳飯, 有成兩大塊, 併埋成塊面咁大, 我同細媽都嘩嘩聲 ar

    回覆刪除
  3. 洛洛, 你落斜有冇等埋婆婆, 媽媽, 細媽架? 睇相你好似冇, 係唔係嫌佢地行得慢呀? 嘻嘻....
    [版主回覆04/19/2010 16:31:00]洛洛 : EE, 我通常跑過龍, 要停下, 返轉頭搵返媽咪佢地 ga

    回覆刪除
  4. 係大水坑側邊條路。不過富安果邊都好似係有路架,不過我哋唔識。
    [版主回覆04/20/2010 11:01:00]我上網查, 知道上左車路, 在抽水站後, 過河有小徑上鹿巢坳, 即我地上次落來果個位 lor......
    你地上果個位大路d, 但我搵唔到呀, 下次早d, 見行山人員問下先 

    回覆刪除
  5. 咦, 尋日又入沙田唔叫埋我一齊行呀! 大水坑果度啲野幾好食架!
    [版主回覆04/20/2010 11:02:00]我同細媽以為你同迪蘇, 好勇去左西貢行山呀

    回覆刪除
  6. 〝上左車路, 在抽水站後, 過河有小徑上鹿巢坳, 即我地上次落來果個位 lor......〞 我哋就係講呢個位,啱啦~
    [版主回覆04/20/2010 12:35:00]即係我地入閘口上車路果後 lor ??

    回覆刪除
  7. 我個留言冇左o既
    洛洛又有新地方, 又多個地方有洛洛o既腳先喇
    [版主回覆04/20/2010 13:39:00]我茅 del 你留言喎  
    你係咪打完驗証錯左, 以為出左ar
    我今星期探下條短線, OK又易行 ge 話, 下次叫埋你地 ^^  

    回覆刪除