今日主力入來食、食、食
, 上船前已經一人一袋燒賣腸粉, 大細媽都食到 Yummy Yummy
我地坐 8:35am 船來索罟灣, 平時好少人咁早, 但今日有一大班學生, 成船差不多坐滿8成人....
9點到, 所有人一早走晒, 我地搞搞下, 9點半先起步行
今日又行晒兩條家樂徑呀.....
一起步, 已經有微雨, 我全套裝備, 應該唔會有大問題....
好奇怪, 唔通全島人都鍾意種百合花, 我地行去每個有人住地方, 都見百合花蹤影...
一路行, 雨越落越密, 又時大時細, 我四腳濕晒了....
到石排灣....
細媽發現好多雀仔腳印落在沙灘, 好趣致....
全個沙灘, 佈滿紅海藻....
由東灣轉上, 雨無停過....
太霧下, 四周好濛....
在菱陰坳落回索罟灣, 地濕路滑, 婆婆小心喎.....
到回索罟灣, 細媽唔太愛食海鮮, 好彩佢地好簡單, 炒下粉麵, 食碗糖水, 都滿足
而我呢, 因為一早出來, 細媽話帶糧出來, 早餐食左好少咋, o依家好肚餓, 媽咪每次俾少少我食, 竟然將大半盒糧食晒, 話你地知啦, 我從來未試過在街外肯食糧o架
食飽後, 向榕樹灣進發....
途徑觀景亭, 今日無人, 我地第一次來八卦下....
除中間的亭, 仲分開三個休憩區, 每個坐椅都有各特色...
上高少少, 突然來一陣大風, 將濃霧吹走....
索罟灣好清晰...
因為今早有幾次比較大雨, 細媽抱起我, 怕我太濕凍親....
佢無著深色衫, 全衫都係泥漬
咦, 個天開始有陽光透出來....
無嘜雨, 仲幾得好曬咁喎...
有D微雨粉, 有D陽光, 真搞野....
到 NO DOG ALLOW的洪聖爺灣, 行入幾步, 我係都要踩下沙,
到亞婆豆腐花, 又要食.....
途徑蘭得自在, 媽咪俾D糕點吸引, 又試......
串燒又一定唔放過....
到哥哥間果汁店打招呼, 今日無幫襯哥哥買果汁, 但就買一盒曲奇回家食.....
每次來, 肯定入去搵姐姐打招呼, 每次細媽同婆婆都會搵到心頭好O架
到榕樹灣, 太陽破雲而出.....
媽咪本來想食晚飯, 但細媽有點飽, 我地去間茶餐廳....
佢地一人食一份三文治咋, 又話食食食, 真失敗
我地準備坐 17:15pm船回中環, 陽光伯伯仲未走....
夕陽下, 仍然有人練划龍舟, 端午節好快到了.....
除左食, 細媽仲買左兩件T-shirts, 算豐收啦
抵中環, 我地唔坐隧巴, 改試坐天星小輪, 再轉巴士回家, 原來咁仲快好多, 以後都係咁回家, 仲快捷方便, She~~~~~~~
頭段勁濕，係唔係一路落住雨？尾段竟然有陽光，真係喜出望外！
回覆刪除洛洛好嘢呀！雨天都唔放過去玩！
[版主回覆04/13/2010 14:03:00]因為一早PLAN左去南丫島, 除非落雨好勁又濃霧啦
一起步微雨, 一路行, 時大時細 lor, 但下午兩點幾, 開始太陽出來了
雨天都唔放過....服咗你啦...
回覆刪除[版主回覆04/13/2010 14:03:00]細雨都會出去, 最多行城門河
落雨都行@@ 洛洛你就好啦
回覆刪除[版主回覆04/13/2010 14:05:00]初頭估間中落少少咋, 無諗過一直落到下午, 好彩大雨只係小小時間 ^^
濕水洛好sexy~~~
回覆刪除[版主回覆04/13/2010 14:05:00]好 sexy 來形容咁搞笑
洛洛真犀利呀,落雨都唔放過行山呀!
回覆刪除[版主回覆04/13/2010 14:06:00]嘩, 細媽一個月一次短週, 唔出街悶在家, 好蝕o架
我地有時都係坐船返尖沙咀架, 又快好舒服^^
回覆刪除[版主回覆04/17/2010 22:24:00]係ar, 仲快好多, 以後都會咁回家