又話會狂風雷雨, 昨晚只係有雨, 又唔覺好大風喎
媽咪起身見樓下有人擔遮, 地又濕咪, 又瞓過o羅
好彩細媽見停雨, 話點都要同我出街行下, 媽咪跳起身, 立即梳妝一齊出發
唔敢周圍去, 今日又行城門河, 但今次肯定行去河口
咦, 有雨落, 著返雨褸擋擋先 ^^
無雨了.....
低近河口咁大風o架......
到河口, 繼續行, 係馬鞍山海濱長廊, 原來唔俾狗地入, 好晏了, 行去大水坑村食個午飯先再算
大水坑村呢間茶座, 食物好抵, 又好好味, 比富安花園內的茶餐廳企埋, 又好多人來幫襯, 我地以後都來幫襯呢間
飯後, 媽咪想去搵由大水坑村上鹿巢山山路入口....
於是入村周圍行.....
行極都唔見, 有村民叫我地經梅子林果邊車路上山添, 上次咪咁落來 lor, 反正時間尚早, 惟有入回富安, 由呢個閘位上去車路行去梅子林村口行個圈....
每個避雨亭, 我都自動波坐低,希望細媽識做
到梅子林村口.......
都係要返回頭了.....
原來入梅子林村, 有條短線落廣源村, 下次試下行先
落斜特別快...
好快又回閘口位, 雖然兩日都係行簡單平路, 但我同婆婆都攰o架, 早點回家休息先
又去d落雨既地方，你阿媽真識揀呀！我屋企無雨、仲有過一陣陽光呀！！
回覆刪除[版主回覆04/19/2010 16:24:00]前一晚, 全 HK都落雨, 我睡到 10點幾先起身, 僅係去近近地啦
落左都唔夠一分鐘微微雨粉, 著完雨衣都無雨, 怕又落過, 都費時除 lor
沙田都有陽光, 行得好舒服添
上鹿巢條路，响新田餐廳左邊條石屎路直去，係晨運徑，平日好多人行架。
回覆刪除新田餐廳魚麵好味，阿媽必食！
[版主回覆04/19/2010 16:30:00]我見好似有條石屎級上山, 又唔好肯定, 唔敢上 lor, 唔知係唔係
魚麵巧巧味, 但少左D
我地見其他人點午餐都係 $25, 其中一款係黑椒豬柳飯, 有成兩大塊, 併埋成塊面咁大, 我同細媽都嘩嘩聲 ar
洛洛, 你落斜有冇等埋婆婆, 媽媽, 細媽架? 睇相你好似冇, 係唔係嫌佢地行得慢呀? 嘻嘻....
回覆刪除[版主回覆04/19/2010 16:31:00]洛洛 : EE, 我通常跑過龍, 要停下, 返轉頭搵返媽咪佢地 ga
係大水坑側邊條路。不過富安果邊都好似係有路架，不過我哋唔識。
回覆刪除[版主回覆04/20/2010 11:01:00]我上網查, 知道上左車路, 在抽水站後, 過河有小徑上鹿巢坳, 即我地上次落來果個位 lor......
你地上果個位大路d, 但我搵唔到呀, 下次早d, 見行山人員問下先
咦, 尋日又入沙田唔叫埋我一齊行呀! 大水坑果度啲野幾好食架!
回覆刪除[版主回覆04/20/2010 11:02:00]我同細媽以為你同迪蘇, 好勇去左西貢行山呀
〝上左車路, 在抽水站後, 過河有小徑上鹿巢坳, 即我地上次落來果個位 lor......〞 我哋就係講呢個位，啱啦~
回覆刪除[版主回覆04/20/2010 12:35:00]即係我地入閘口上車路果後 lor ??
我個留言冇左o既
回覆刪除洛洛又有新地方, 又多個地方有洛洛o既腳先喇
[版主回覆04/20/2010 13:39:00]我茅 del 你留言喎
你係咪打完驗証錯左, 以為出左ar
我今星期探下條短線, OK又易行 ge 話, 下次叫埋你地 ^^