媽咪怕明天真係無街去, 於是提議轉入沙田行城門河, 順便去食下午茶buffet, 點知又爆滿, 惟有傻傻下, 行左去禾輋村大排檔
普通茶檔食物都OK, 因為媽咪佢地無揀擇ge...
終於等到佢地食飽, 我可以落地行喇
媽咪問我想行城門河定去彭福, 我自己揀去彭福玩先
今日唔來, 就算聽日唔落雨, 賽馬日都唔入得來ga
起碼有草地跑, 有狗俾我吠
紫色花已經剪晒, 得返幾隻馬, 唔知會種返嘜野花呢
入到彭福, 跑, 跑, 跑喇
通處跑.....
周圍搵狗地傾歇
大細媽, 我好開心呀
突然有人問婆婆 : 係咪洛洛呀 ?
原來係叻叻同媽媽又來左彭福, 叻媽同媽咪係 Blogger, 叻媽先認到婆婆, 我又易認, 上次在大浪西, 都係佢地認到我先
叻媽話媽咪點解唔早單聲今日來彭福, 咁佢可以拎棵富貴羅漢松俾媽咪 law, 其實大細媽都無預備今日會出街, 更無諗過去邊, 係我自己揀來o架
好彩我醒目咋, 否則又錯過遇到叻叻ge機會
叻叻, 難得遇到, 正經D同我影張相先啦
叻叻 : 好啦
我地都各自在彭福玩左好耐, 於是一齊離開, 仲相約遲D叫埋埋迪蘇一齊行山, 希望佢地唔會厭婆婆行得慢啦
黃昏了, 我地仲未想回家, 繼續在河邊行....
由白天到黑夜.....
晚上要開車頭燈ga
入夜後的曾大屋
媽咪知沙角村冬菇亭其中一間金沙角, 出名小炒, 但今日擴張營業, 人又多, 伙計都無閒分配檯位, 我地咪轉去另一間食lor.....
點三個餸菜都好夠, 媽咪話以後入來沙田, 又多個地方食野啦
好彩有出去咋 .. 今日天氣都唔錯, 天文台又呃人喇
回覆刪除[版主回覆04/19/2010 15:41:00]又唔知今星期, 天文台又想點呀
今日真係好開心架, 我都無打算去彭福架! 可以見到洛洛呀! 哎, 我哋又點會嫌你婆婆行得慢呢, 因為可以同婆婆一齊行山係好好架! 因我婆婆仲唔得行山喳, 淨係同佢行過度風山喳! 所以可以同你婆婆行山係好開心啦又點會話婆婆行得慢呢! 其實係我行得快媽媽追住我黎行呀! 行山對身體好好架~
回覆刪除下次約埋迪蘇一齊行呀~
[版主回覆04/19/2010 15:43:00]我見叻叻咁活潑, 真係好得意 ^^
好期待約埋一齊行山呀
本來都以為唔好天的, 結果都唔太差, 真係有意外收穫啊^^
回覆刪除[版主回覆04/19/2010 15:46:00]係呀, 我本來 plan 左星期六下午執下自己野, 好彩出左去, 洛洛又識揀, 終於遇到有緣人
d小炒好正咁喎！
回覆刪除[版主回覆04/19/2010 15:47:00]一般 lor, 金沙角會好好多, 但..........超多人, 人手又唔夠, 費時浪費時間等咋
映得好靚呀！
回覆刪除[版主回覆04/21/2010 09:31:00]細相唔覺 ga, noise 好勁呀