091108川龍至城門引水道緩步徑

為左去川龍飲早茶, 細媽一早叫醒我, 我都未瞓醒

懷舊自助式, 只求風味, 唔好探究味道

今次無我份食o架, 但媽咪同婆婆佢地開心, 就算啦

三名女子, 九大碟

睇下細媽幾 enjoy食叉燒包

唉, 等左佢地成個鐘有多, 終於肯起身行喇

一有山行, 即醒晒神

咦, 行去引水道, 唔係去行山咩

原本媽咪預一係行龍門郊遊徑, 一係行引水道, 但婆婆想舒服點, 佢揀後者

平常大細媽幫我扎辮子, 都一定加髮夾, 但我覺得太悶, 自己鑽入樹叢內, 自己夾塊綠葉陪襯, 係咪好靚呢

洛媽 : 其實我地無人知道洛洛點整塊葉上頭頂, 大家都係一見到就成個傻仔樣

小徑旁無野好影, 都係快步落山好D

到引水道.........

已經重新整過的緩步徑路標.....  

媽咪, 我行先, 你慢慢影花花....

今日繼續試機, 因為引水道無景可影, 專登試微距

路邊野花不要採, 但可以任影......., 因為今日頭頂是厚雲, 部分因光線, 對焦較難, 但可以近到 1-2 cm 影, 又幾好, 質素唔差

雖然係zoom 12X 倍 (28 - 336mm), 同40D加支天涯鏡倍數差不多, 但就算加埋數碼變焦, 影引水道山邊的野生蘭花, 都一樣係打唔到, 想打要拎支再長焦先掂

天氣報告又話有太陽, 點解荃灣區烏雲蓋頂o架

媽咪用自動白平衡, 出來D色好冷

突然細媽大叫, 原來佢見到條青足蛇在草叢中, 媽咪走近, 距離米半zoom埋影..

鱗片清澈可見.....

婆婆, 我仲未影好相, 唔好行咁快, 等埋我

又玩自己訂色下.....

媽咪改白平衡做陰天, 我有返少少淺金色, 似我

玩兩日, 好攰, 我又扭計, 要上細媽號

部機有一原裝, 一副廠電, 但夾埋兩日先影得380幾張相, 可能媽咪成日review, 用左好多電, 我上左私家車就無電, 最後一張完成行程紀錄相, 都係再試插舊電池, 多偷影一張咋

部機唔錯, 可惜電池唔耐用, 要買多舊原裝電池行山先

影完張相, 開始下雨, 雖然唔太大, 但反正都行完了, 無影響. 原來回家上網睇天文台, 係大帽山同獅子山一帶附近先落雨咋       

回家中, 又要洗白白, 因為成身都係鬼針草, 又要花成個鐘梳毛啦, 好攰, 好想瞓呀          

改今日去川龍, 就係為左去荃灣買水餃同湯圓做晚餐

劊子手當然係細媽

湯圓同水餃, 有娃娃菜陪你地, 都算係咁, 乖乖入媽咪同婆婆肚啦