211031萬聖節早步

 昨日, 媽咪有個會要開, 本來想去食邪惡下午茶都趕唔到, 全日留家休息.

211024秋涼再暖步

 預告今日有陽光, 但早上好似仲涼過昨日.

211023秋涼秋步

 前日有冷鋒南下, 今早起身都係17 度左右, 仲陰天呀.

211017秋高氣爽晨步

 對上一次真正出街玩, 已經係 5/9. 期間又熱, 又天氣不穩, 又眼仔同口水腺睇醫生同覆診.

今日天氣好, 秋來, 秋高氣爽, 我地又可以來城門河畔晨步呀.

211016周六午餐樂

 近排天氣不穩, 我都無出過去. 今早媽咪做完義工, 馬上返來同我及細媽上去加力買午餐.

211014今年重陽

 獅子山剛在星期日早走左, 圓規又來. 仲在12/10下午5時20分改發東北烈風或暴風信號.

兩個熱帶氣旋所引致的八號信號生效時間相隔最短的一次（相隔2天12小時40分鐘）.

圓規在13/10下午4時40分先轉為3號.

今日係重陽假期, 早上都有雨呀, 今年在家休息.
 

211010是日休息

天文台在今日凌晨4點40分改發3號強風信號, 熱帶氣旋獅子山帶來嘅8號風球掛足22小時. 落波時間一改再改, 足足改左五次先改發3號. 天氣仍不穩, 是日在家休息, 連相都無影呀. 不過, 細媽照樣安排一日三餐俾我地囉.

  轉  

211009八號風下獅子山

 熱帶風暴獅子山影響下, 星期五整日又黃雨又紅雨又黑雨, 仲好大風. 今早6時40分仲發出八號東南烈風或暴風信號, 成為自1961年以來離香港最遠而又需要發出八號烈風或暴風信號的熱帶氣旋. 細媽見早上無雨, 跑去金寶買早餐, 跟住稍後去街市買定午餐同晚餐食材. 而我呢, 咪在家瞓囉.

211006覆診日 - 護士診所先導計劃 (肝炎)

原先今日係15:00到綜合模式護士診所覆診見護士, 20/9收到護士打來, 話當日下午有個特別安排, 想改早上, 當然無問題, 仲好呀. 

11:15AM已二樓(1號房)門外等候. 

11:45AM助護叫我名, 佢好友善呀, 帶我去21號房量基本數據.

連衫磅重 52 KGS, 身高156CM, 血壓  119/56, 心跳 69, 助護話唔錯呀, 跟住帶我返 1 號房見護士.

211003周日黃昏正好眠

 又周日, 連假第三日, 照舊出車上去加力食飯.

211002周六節目-午餐

 天氣熱, 都係無出動, 中午出去加力食飯就夠, 開車時, 我就周圍望風景.

211001覆診日

 今日又來覆診呀. 我地早到10 分鐘, 定下神先.