210828午餐後大雷風雨

知道天氣不穩, 就算放假, 都係唔出去晨步.

接近11 點, 媽咪見有陽光, 一於叫細媽去加力食午餐, 馬上同我梳毛, 11:05發雷暴警告, 一出車到樓下, 見天色暗左, 都係唔去天橋行陣, 直接上去加力. 去到即有位, 而我就好舒服在車瞓左. 

飯後, 雨開始落, 媽咪幫我車車蓋好雨衣罩, 唔駛淋濕我同車車, 有風扇在車內, 我唔會焗親. 

去到天橋前, 突然狂風大雨, 大細媽有遮都唔得, 雨衣罩吹起, 媽咪要楂車同擔遮, 又要睇實雨衣罩唔好吹起, 以防雨淋到我同車車, 背後濕晒, 好狼狽.

好彩到左天橋上, 有得遮擋同避風雨, 媽咪馬上用夾夾好雨衣罩, 剛好有兩個姨姨又係有養絲毛, 幾個女子吹水到雨細停風.

無落地行, 有出行望風景, 都唔錯.