210822細媽的強勁臂彎

 婆婆繼續在家休息, 又係我地三母子出來.

後方天空好少雲, 企在遮蔭位, 又好似好暗.

但曬住太陽又好燦眼, 真矛盾.

行下都好幾, 但快攰.

媽咪話不如今日過對面, 好似多D遮蔭.

我無問題.

反正都係上左車.

落地就侍女們跟住我.

到瀝源橋, 我唔駛落車呀.

因為過河有橋.

有侍女細媽.

我只要安心坐定定.

車上有風扇同冰墊.

行在遮蔭下.

細媽就會連人帶車同冰包上落樓梯.

我輕鬆周圍望.

上斜都唔怕.

又展現強勁臂彎, 揪起成11-12公斤都面不改容.

你地話細媽係咪成個女超人咁呢.

又係時候返飯堂食早餐.

到埗已經攰傻, 水都無飲就倒頭大睡, 無細媽, 我可能仲攰呀.