201127覆診日 - 護士診所先導計劃 (肝炎)

今日到專科, 唔係見醫生, 係見護士, 仲要係新症, 乜野來呢 ? 夠鐘在房外等, 又唔見有其他覆診者, 唔通搞錯 ? 

其他助護叫我拍門問有無人, 護士開門叫我等下. 4: 30PM, 終於叫我.

因為遲左, 大堂量血壓同磅重位都好收, 護士帶我去其他房做, 跟住返回22號房.

護士先問我基本資料後, 就要我做問卷, 想知我對乙肝的認識. 問卷做好, 就開始講解乙肝知識. 

原來, 我今次係揀選為參加護士診所先導計劃, 今個年度已涵蓋至內科（肝炎）, 由專科醫生轉介後，先由護士診所接見, 先做檢查及評估, 如果我情況有異，醫生可提早接見. 同時護士可在醫生接見時已有足夠的資料作診斷, 當病人情況穩定後, 護士可監察病人的藥物成效, 同埋加強病人護理教育。怪不得我要上堂啦. 上堂後, 又將先前問卷, 重新考我一次, 睇下我上堂後有無吸收.  

在傾談中發現, 我全家好似得我同大家姐先有乙肝, 但家姐自身可以打勝病毒, 有埋抗體, 依家仲可以捐血. 護士問我小時有無輸過血, 有無紋身, 有無穿耳環. 咦, 我6-7歲時, 見家姐在街邊流動小檔, 用古法穿耳, 我又貪靚又要穿, 街邊都唔要會有消毒啦, 好大可能在當時感染到.

跟住做肝纖化掃描 Fibroscan
以前報告:

14/11/2008 : 8.3 kPa
11/11/2010 : 10.7 kPa
21/12/2012 : 14.0 kPa
17/10/2014 : 5.4 kPa 
24/12/2014 : 4.9 kPa

21/12/2016 : 6.1 kPa

今日 27/11/2020: 6.7 kPa, Bonderline Fibrosis (邊緣型纖維化) 係 6.1 - 9.0, 我踩界. 

CAP 210 dB/M , 呢個指數睇有無脂肪肝, 我在正常範圍呀.

護士話會將今日資料同數據交醫生, 下年三月覆診時, 把今年公司驗身報告交醫生睇. 我2008年打過甲型肝炎預防針, 好似都無同醫生提過, 要記住帶埋去先. 呢個計劃都要等醫生評估我係咪可以定半年見醫生, 半年見護士. 到時就知.