120609吃喝玩樂又一天

今早預左複診, 加上大表姐考完文憑試, 所以媽咪約左大表姐一齊出來吃喝玩樂呀 



雖然今早又雨又雷暴警告, 預左來獅子會賞荷花...  


媽咪都唔介意我又興奮挖泥

見到一條大肥虫, 成3 吋多長, 仲粗過手指 ga...

媽咪今日拎左部 J1, 點知佢忘記改回單次對焦, 我變左做布景板....


佢仲帶埋支 30-110mm 長鏡, 諗住影荷花, 但最廣角係變了 81mm, 佢好唔習慣.....

一到荷花池, 好失望, 因為好多仲係含苞未開....

雖然遠攝得 300mm左右, 但出來效果, 當然比傻瓜機好好多....

裁剪出來, 小小蜻蜓都見紋埋...

荷花一定向陽光方向開花, 荷花池又唔係360 度圍繞, 想找朵正面靚花都唔得添....

我來到獅子會, 心情太好, 媽咪叫極我都唔停低俾佢影相....


好彩有大表姐代勞咋....

中原頭頂一點金.....

媽咪一不留神, 又俾我有機會跳入水道玩....

夏天唔玩水, 對唔住自己....

長鏡出來效果都好好.....

但影人都要行好遠, 先可以影埋景....

媽咪覺得支長鏡, 影我唔方便, 都係換回支 10-30mm 好用喎...

上半身又濕又泥, 大細媽話無眼睇我喎
唔濕都奇啦.....

你地睇, 周圍都係泥漿

所以唔好賴我....

午餐時刻到, 我地要轉場了....

一轉眼又來到姐姐度, 姐姐當然唔會漏左我份青瓜沙律...

細媽, 快手撈好沙律醬, 我好肚餓呀.....

噢......好香....

超級好味....

細媽知大表姐唔算大食, 推介佢食刺身套餐.... 仲有蕎麥麵....

大表姐好滿意, 因為仲要留肚ga.....

我好忙食緊沙律, 都無心機對鏡頭...

食飽後行往海傍時, 竟發現一個舊港英政府時代的郵筒, 成日經過, 竟然都唔為意...

今午在碼頭海傍, 好彩無昨日咁熱....

遠遠見一艘船駛來....

原來係可以吸收太陽能, 唔知係咪可以用太陽能轉化電力啟動呢...

今日人多狗多, 好熱鬧....

走到霸邊樹蔭底納涼, 都唔太好....

都係坐在水會舒服多....


望望遠, 明天會點呢....

我估都係好天氣.....

所以要一早出動好D...

時候唔早, 我地都轉場...

預左大吃大玩, 食埋乳酪同沙冰先滿足ga, 婆婆同大表姐係店內享用, 我就同細媽在門外享受, 都一樣o者...
媽咪話夏日炎炎, 有時要放縱下, 我都唔介意ge, 只要唔好留低我在家就無問題