夏日消暑佳品

呢兩日好悶熱, 真係焗傻我, 細媽知今日一定唔出街, 就買左一樣正斗美食返來

120630颱風後、七一前

杜蘇芮來去怱怱, 一早就走了, 細媽今日照舊返工, 而我就同媽咪在家瞓完又瞓, 佢好似成日未得瞓咁
時晴時雨, 就細媽下午返來, 都唔可以落樓巡巡, 細媽話既然咁得閒, 就整好耐無整的羊肉南瓜蛋撻俾我食

120624開心龍舟水

夏天僅係去游水喇, 但每到假期都唔太好天, 好彩今日都俾返個無雨天俾我

120623端陽划泥洛

端午節, 又係時陰時雨, 細媽想媽咪多休息, 全家都係瞓晏少少先起身

今天夏季 ?

早排我咪話唔知今年夏季, 多數去邊處玩o既
唉, 踏入2012年, 每逢假日或假期前, 唔係狂風雷暴, 都會落下雨  
我日日都在家期待每星期周末的來臨, 幾時先俾個好天氣我呢

120620本來打針日

今日係一年一次的打針日, 所以大細媽很早安排, 叫大表姐及二表姐帶婆婆一早出發, 去婆婆多年無去的海浪公園玩

而媽咪就預早請左假帶我去打針, 同留家陪我.

當在診所快輪到我時, 診所的醫生助理哥哥出來同媽咪講解, 醫生剛睇完我病歷表, 我暫時唔好打針住, 因為早排剛中了牛蜱熱, 雖然 9 號剛驗血, 報告係negative, 搵唔到孖B, 但疫苗針係有少少病毒, 用以注射入身體, 令身體增強抵抗力同免疫力, 但萬一仍有少許孖B病毒存在我身體, 打疫苗針後, 有可能引發孖B病毒強勁起來, 為左我生命著想, 醫生建議等9月頭的驗血報告出左後, 確定無孖B, 先再打疫苗針.

Magic Love

咦, 點解有支金剛棒o既

120618土撥 Dog

都唔明點解成個幾月係咁天氣, 激屎我喇

好鄰居

其實我家唔係只有我地住, 仲有盛盛豬, 龍貓爸B, 蠑螈, 仲有好多好鄰居
咪就係福將o羅
佢地時常在我家四處出沒, 因為佢地, 我地就好少見到小強同螞蟻
因佢地係益蟲, 所以我地全家都好鍾意佢地ga
昨日早上, 細媽發現其中一條福將又現真物, 成 5 吋長, 真犀利

120616工場又開工

龍舟節快到, 細媽工場又開工了
星期五晚, 將粽葉及所有材料洗好同浸好
佢今早 6 點起身就開工, 就係怕似上年咁失預算整遲左

打低孖B

戰戰兢兢過了兩日, 剛才護士姐姐打電話俾媽咪, 有驗血報告喇

捱左 30 日藥, 我終於打勝仗, 將孖B擊退

但醫生話為安全保險起見, 三個月後再驗多次血

等我叫大頭蝦媽咪 mark先

港女

侍應姐姐 : 請問要乜野餐飲呀 ?

洛B : 唔該一杯港女俾我細媽o丫.

侍應姐姐 : 吓????

洛B : 即係凍檸茶少甜呀. D報紙話只有香港人先會將D飲品叫少甜, 我細媽係女, 咁呢杯野咪叫港女囉, 乜你唔知咩.

120610又係雷雨後的下午

昨晚, 媽咪應承話今日同我去沙灘玩水, 仲諗住 6 點幾起身添....
點知半夜已經落大雨, 仲掛起雷暴警告同西南季侯風, 又雨又風...
呢幾星期都係咁.....
好彩雨後放晴, 媽咪同細媽帶我來城門河畔逛下...

120609吃喝玩樂又一天

今早預左複診, 加上大表姐考完文憑試, 所以媽咪約左大表姐一齊出來吃喝玩樂呀 

覆診

又一個月了.
食左足足 30 日藥, 今日要見醫生, 唔知會點呢

好厭呀!!

媽咪 : 洛B, 做乜唔肯食飯呀!! 你唔舒服牙

洛B : D飯食到好厭呀

媽咪 : 係你最鍾意嘅南瓜喎, 醫生話南瓜高纖, 幫助便便暢通o架

洛B : 如果你一連30日, 60餐都係食同一樣野, 你都頂唔順啦

120603 雨後好去處

原本今早去城門水塘行晨運去火炭, 昨晚一場大雨, 一定淋濕晒泥路, 加上半夜又下雨,
媽咪起身餵我食完藥又瞓過
過了中午, 突然聽到細媽大叫話出太陽喇, 我地即換衫出發

無聊周末

今個周末又係媽咪值班日, 細媽一樣要返, 佢地收工又大把私事辦
好彩佢地搞好晒, 就同我落街放一陣風
放風本來係一陣, 但又無聊行遠D, 再行遠D
又行左個半鐘先返家, 算佢地啦