細媽又有新玩意

知唔知道係乜野來呢

就係細媽恨左好耐想擁有的麵包機, 佢見 UNY終於有得賣, 想左一晚就帶返來

呢部象印麵包機, 雖然只可整一磅麵包, 但勝左小巧, 同我身型差不多, 方便收藏


而且又有使用說明書, 內有好多麵包制法同食譜, 軟硬包都有

仲可以整果醬, 麵條, 蛋糕等等添...

細媽話以後可以唔駛買麵包, 自制仲有益

只要將麵粉, 奶粉, 酵母等等材料放入...

按埋時間制, 部機一條龍搞好
但如果想加入乾果仁祉提子之類, 就唔可以用時間制, 事關要中途搞好麵糰後先加得,除非細媽半夜起身啦
好緊張呀

經過一晚, 細媽起身, 時間都剛好, 打開部機, 嘩.......麵包出爐了

反轉一倒就出來, 好方便.....

今次第一次試機, 細媽放了黑芝麻, 好香呀.....
媽咪唔駛返工, 都一早起身, 就係想食剛出爐麵包,
又暖又軟熟, 超級好味
最衰係加有牛油同有點點鹽, 細媽話我唔可以食呀,
有無搞錯, 等左一晚, 無我份