111127大水坑至大水井

昨日長征, 今日唔 Hea, 媽咪會傻ga
同昨日天氣相比, 真係相差銖遠, 但天氣好, 溫度高, 行山又辛苦o者

所以揀條短線, 大水坑起步, 大水井走人, 3 個零鐘, 玩半日剛剛好

梅孚林路, 今日少左單車同車, 行得安全.....
但經過第一間鐵皮木屋, 竟然有 4 隻唐狗狂吠我, 走晒出馬路, 以前佢地只會在屋內圍欄吠....
原來有路走出來ga, 仲一路屎跟.....好彩佢地都驚媽咪音波功....
媽咪抱我行左一段路, 最後都無再跟來......

到梅子林村口, 我當然上私家車路過......

一入村......一個月間, 已經面目全非

經晒村, 我又要落車自己行了......

一路石砌路, 有樹蔭, 真係好舒服.....


到五聯達, 好多人呀......

原來剛好有一大隊行山隊, 過百人以上ga, 未必齊人添, 在此大休, 都係快快飲埋雞湯走人了...

話左 Hea, 行大水井古道最好.....

這邊風景開揚.....蔚藍色的天空....

似是萬里無雲, 可以望到退遠的萬宜水塘....

大金鐘又有滑翔傘出沒, 都係搵次去下九曲山先.....

芒草盛開季節, 又要快快行一次萬里長城, 我行山表都排得好密呢

薇金菊花係就係好靚, 又好香, 但呢位植物殺手, 都唔想成日見到佢.....

話就快, 又行畢全程, 又係 3.5 hrs, 我地一出小路, 就即見有的士, 全家飛快跳上車

為左係去食午餐.....秀作居食屋已經變左我地西貢區飯堂


呢度食野, 雖然又係在室外, 但始終都算好企埋, 好舒服....


食物美味, 又係媽咪至愛

明明一人一套餐, 呢幾個女子, 去到市中心, 都要買多份印度薄餅食,
媽咪又話要減肥....有無可能減到呀