111105麥九連大欖自然教育徑大圈走

昨晚點蟲蟲, 諗下去邊好......
本來媽咪想去大澳, 但細媽話山長水遠坐車入, 不如遲 D先喎.....
就另一選擇.....就係先去荃錦坳麥理浩第九徑起步, 邊行邊睇時間同狀況, 再決定終點喎

今日唔係太多人, 又無賽事, 肯定碰唔到大姨媽一家......

我地好懶.....直接坐的士來, 9 點就起步

上星期預報今日有雨, 最後又係藍天白雲

今日起步, 唔止係行山......
仲係救救蚯蚓之旅.......
事關佢地走晒出車路, 佢地一離開泥土就好危險......
有些爬出來, 乾死了.....
大細媽佢地三個傻婆, 沿路低頭望, 見有生還者....
即拾起放回草叢, 加點水濕潤, 希望佢地能大步檻過呢.......

除了蚯蚓, 仲有好多草蜢, 婆婆話想捉下喎, 點夠佢地跳得快, 真係傻

第一個分叉, 我地選擇繼續向前行.......

中途突然聽到吱吱聲, 媽咪發現了一隻小BB爬出車路, 嘴仔好長, 剛剛出毛毛, 未開眼睛,
似得一星期大左右, 周圍望又唔見有巢穴, 媽咪惟有小心翼翼用樹葉提起佢, 放回旁邊草叢,
希望佢媽咪聽到佢叫聲, 回來找返佢回家啦.......祝好運呀.......

輕鬆繼續走.....

又有路口去河背水塘, 果邊返屋企比較麻煩, 又係繼續前行.......


在路標下, 見到一隻大螳螂剛產完卵呀.......

又見另一款大螳螂.....

佢反轉爬在檯底偷望, 好得意呀.......

又狗生交叉點, 轉左去清快塘定係轉右去田夫仔呢

媽咪話仲未到 11 點喎, 不如再行遠 D D 啦.......
就係咁, 我地轉了右去田夫仔........

又有路去清快塘, 仲早喎.......

完成全段麥九, 都係 12點, 媽咪話去埋大欖水塘喎.........

因為會經過田夫仔村, 以前試過有狗吠, 所以細媽都抱我經埋一、二、三號路口, 順便等我休息下喎.....
所以我部私家車真係慢駛ga

到呢度, 我地選擇接上大欖自然教育徑去深井.......

近排D蜜蜂真忙, 今日全日跟身, 大細媽同婆婆都有蜜蜂上身.......
媽咪仲係又有一隻蜜蜂擅爬入褲內, 仲擅自爬入佢大腿位內褲邊, 媽咪一發現即按實隻蜂, 唔俾機會佢針親.....
三星期前俾蜂叮傷的傷口, 仲未好晒呀.......再針到就慘, 仲要係咁私癮位

我地會經過元荃古道同圓墩郊遊徑入口, 但媽咪唔想我行泥路, 下次先行.....

中途又有泥徑去青龍頭, 就係我身後喇......又搵次機會先.......

又另一個分歧路, 又可以再主意去大欖 BBQ ga.....
但今日成 30 度喎, 熱屎咩......
都係行返自然教育徑好 D.....

我飲雞湯時, D 蜜蜂又嬲住我, 真煩, 又唔可以拍打佢

楓香漸紅, 遲些來賞紅葉...........

話就話今日全程行車路咋......
但又上大斜, 落大斜, 起落又多, 加上午後, 無雲遮陽, 成 30度, 都好辛苦.....
幸好終於來到今日最後高位觀景臺, 無再要上高山啦

又分支路, 僅係去青龍頭方向啦....都話係教育徑咯.....

來到閘口位, 仲要落埋深井先有車回家......
今日媽咪睇返地圖, 我地有行超過 15 公里, 朝 9 午 4 點半, 玩足 7 個半鐘.....抵呀
但返到屋企, 全家腳仔軟呢