五月粽

細媽試過整小朋友粽子成功, 佢又心癢癢試包大人粽子

佢上年已經剪低報紙, 仲上網睇片學點包, 事前功夫做足....

襯昨日短周, 下午有時間, 第一次, 就先試綠豆粽

有糯米, 綠邊豆, 咸蛋黃, 金華火腿同五香豬肉   

 

齊晒料, 開工

原來包大粽難好多, 包左幾隻, 細媽終於摸到竅門, 似模似樣

D材料夠包十九隻, 成盤粽子, 個煲僅僅夠放咋

有些用綿繩, 有些用水草, 用棉繩易紮, 實淨好多

呢隻叫"終極一粽", 係媽咪的....

係最後將所有剩餘材料包埋.....

五香豬肉同金華火腿特別多, 係今早早餐呀

上次嘆嘆兩兄妹食完粽粽, 佢地媽咪話兩兄妹好鐘意食, 而且佢地家人都想試下, 明天係端午節, 細媽今日返來, 又開工包小朋友粽子, 等多D小朋友一齊分享美食先

你地睇, 大人同小朋友粽子 size, 真係相差好遠o架