110626時陰時雨又時晴

嘩......今日好陰天.....唔怕熱屎我洛洛

話左今日有水玩, 僅係貪方便, 又來慈沙古道啦

步無耐, 又有幾滴雨毛......媽咪預左同我沖涼....連雨衣都懶帶俾我

行上一半車路, 遠遠傳來狗吠聲, 原來有陀地狗......

我地來過咁多次, 都未見過咁多陀地狗, 仲要越來越多, 有成 6 隻在高高山岥上, 對住我吠....媽咪怕佢地衝落來, 一於抱起我行去郊野公園入口......

過晒危險位, 我就安全喇.....

我未玩, 個身有點濕漉漉....

見水仲唔全身投入咩

除左玩水水

細媽 (高頻大呼中) : 黃家洛........ 你搞乜野......

細媽 : 又鑽草....連頂帽都甩埋, 無牛B上身, 搵鬼信呀

女人就係咁, 大驚小怪

今日燒烤場好多人停留休息, 又打羽毛球, 又踢毽子, 好熱鬧呢......

沿途好多菇菇及豆蜋, 但睇好喇, 唔好亂摘同破壞, 或者當草菇摘返屋企煮來食 wor

今日又見另一條大蜥蝪, 有成 3呎長, 媽咪上網搵, 知道佢叫綠鬣蜥, 雄性可以長成 6呎....

又成檯都係野食.....D女人又話要減肥, 但去邊度都食掛住食, 又豆花, 又冰菠蘿, 又糖薑  

細媽仲三樣野, 左右手出晒一齊食, 想瘦都難啦

上星期食完糖薑, 太好味wor, 今日除左即場食了一包, 仲拎埋食物盒來, 打包兩包走, 屎唔屎咁誇張呀

佢地食飽早茶點, 我地又回程喇.....

上得來, 當然去下晨運園行下先啦....

涼亭旁有小草地, 但太陽想出來, 都係唔跑了...

我上左去我細時, 常常來的晨運樂園.....

我細過好天真ga, 細媽將枯葉放在小引水渠, 當船仔咁放, 我就係度....追....追...追....不亦樂乎

但今日少水, 又多石仔同樹枝擋路, 惟有我將自己當船仔咁放 lor

呢個晨運勝地唔錯ga, 下次又來玩下先.....

我地回程, 剛才的蜥蝪走了, 在同一位置附近, 俾媽咪又發現另一條小的, 計埋上星期, 我地見左 4 條喇.....唔知其他幾時出現呢

呢兩日見好多生物, 昨日在長洲, 見好多麗紋石龍子, 只係走得快, 媽咪影唔切, 今日又蜥蝪, 連水蛇都有, 成 3 呎ga, 游緊時影唔到, 佢躲在石邊, 八卦偷睇我地先影到咋......

返燒烤場, 人潮散了.....

細媽 : 黃家洛....你臨走都仲要鑽草...想激屎我, 係咪

回到集水區, 我同媽咪八卦行落來, 好多人愛來捉魚仔, 後邊個姨姨好投入, 都唔埋我   

今日天氣.....時陰....時雨毛....時有雷聲....時又出陽光.....

但無損我一家去玩心情......

又落山了, 仲有陀頭狗出沒....今日由媽咪抱我出馬路, 細媽負責做保鑣, 保護我遠離險地 wor