110226吊*赤*鹿

嘻嘻, 過兩日係我生日喇, 太陽伯伯真好, 終於俾個晴天給我, 所以媽咪決定帶我地行山尋花  

呢幾年, 我地都來鹿湖睇吊鐘花, 但早排又唔好天, 加上媽咪唔舒服, 推到o依家先來                  

鹿湖郊遊徑起步.....

但行完一輪梯級, 發現........

原來沿途吊鐘花已經開晒, 仲已經出埋紅嫩葉

算啦, 惟有明年早D啦

快到生日, 細媽又整左個蛋糕俾我呀

繼續行程, 婆婆佢地東張西望, 好彩都見零星小花....

其實個蛋糕又有杧果, 又有士多啤梨, 都似好好味

細媽 (心諗) : 絨布整, 有味ge咩

又來到好有情意結的夾萬坑...

除左整蛋糕, 呢頂都係新整的, 係開party的開心小青蛙

到鹿湖村...   

到C5303, 係唔係上鹿湖高原呢   

到交叉位, 其實細媽知媽咪同婆婆咳, 昨日已經打算唔行晒郊遊徑, 選擇行去赤徑, 諗住落山唔太難, 唔會太辛苦, 媽咪同婆婆都應付到

我地未行過呢後路, 唔知係點呢

細媽 : 赤徑, 我地又來啦

呢段路, 沿途都有好多吊鐘花, 仲俾我地見到一棵開滿花的, 好開心呀

原來呢度都好多碎石, 好天然, 未鋪砌石路....

即是要小心走.....

春天來, 滿山開始長出紅嫩芽, 真係好靚....

細媽想去赤徑, 就係因為有船走....

但一小時一班, 媽咪見都 12點 3 , 又見望到碼頭剛有船到, 一於唔再 Hea, 希望能趕上下班 1 點 4 這班船...

但原來一路落都係咁碎石路, 要步步為營, 唔可以急.....

又斜路, 又平返, 又斜路....

終於來到一個水霸.....

以為打後係石屎小徑......

原來唔係呀, 都係泥徑, 仲要好多位好窄添.....

趕呀趕, 我地就在赤徑村鑽出來....

但係已經係 1 點 4了......

遙遙在望已駛離碼頭的渡輪......

就係唔知路段會左轉右轉, 又以為已經望到碼頭, 都係直落o者, 肯定好近, 但點知又多石斜路, 又高估我地步速能力, 下次知道點預時間

仲要等一個鐘, 我地慢慢 Hea 去碼頭.....

Hea 到碼頭都兩點.....

我地o係碼頭望下海, 睇下魚魚....

時間好快過....

未試過同媽咪望海的日子, 原來吹下海風, 太陽暖暖好舒服

細媽, 婆婆, 船來了, 我地可以坐船返黃石碼頭, 好快又返到屋企啦