媽咪一早已定今日, 就算無人約, 都鐵定今日節目
原來叻媽都無忘記約定, 所以今日約埋迪奇, 蘇菲, 噹噹同叻叻一齊行山, 由烏蛟騰起步, 而大人就可以在三椏村叫鴨
前頭部隊迪蘇噹行快一步, 早D去目的地落單叫定食物, 而我同叻叻就留後, 等埋婆婆
原先計劃行下路經上下苗田去三椏村, 點知經小溪後, 見迪蘇媽同噹媽在上路大叫我地.....
怪不得叻叻一行就想行上路, 原來佢聞到佢地氣味
今日叻叻表姊都有來一齊行o架......
我地經犁頭石.....
好快就望到印塘洲.....
到三椏村.....
都係行左個半鐘, 婆婆都應付到....
到合益士多啦.....
士多收養左隻小沙皮BB, 好趣致.....
到士多, 終於同迪蘇噹匯合....
7 個大人, 叫左六個菜, 大家都讚巧巧味
本來婆婆怕自己行得慢, 阻大家行程去鹿頸, 我地本打算行下路回烏蛟騰, 但姨姨們話叫婆婆唔駛擔心, 慢慢 Hea 去鹿頸, 而且食完飯都未夠 12點, 一於齊齊開心行
出發
想影大合照, 好考D媽咪技術
到慶春約村...
迪奇路過, 唔係一定影相o架
上分水凹途中....
三個男仔望果邊, 有野睇咩
到谷埔, 宋伯豆花有開, 終於又再來一餐, 食完豆花, 又蕃薯餅, 跟住又來糯米糍, 又眉豆茶果, 又蘿蔔茶果, 好正
玩到第三日, 又要等佢地食野, 好攰, 好悶.......
好彩悶完又可繼續沿沙頭角海行....
我和叻叻已經熟落, 照相有晒默契
因為今日係月衫, 潮退了, 可以行過對面小島.....
難得同噹噹合照呀.....
到小山丘草地, 即是快完結今日行程, 今日扣埋食野, 休息, 吹水, 都係行左 5 - 5.5 小時, 謝謝姨姨們就婆婆, 同照顧婆婆呀
此路沿途景色靚，又有好味客家菜，家陣多埋小沙皮，不如兩個月後再行三椏涌！
回覆刪除迪蘇媽字
[版主回覆02/06/2011 20:26:00]好呀
入夏前, 一定要再食過
節目好豐富呀, 又有得食又有得行
回覆刪除[版主回覆02/06/2011 20:26:00]不如組為食團
一路睇覺得好正！有得食有得玩仲話唔難行，心諗等我哋都組團先......直至....睇咗你最後嗰句>>>>>今日扣埋食野, 休息, 吹水, 都係行左 5 - 5.5 小時 婆婆真係勁呀！行五個幾鐘面不改容！
回覆刪除[版主回覆02/06/2011 20:31:00]我地揀遠程行咋, 我地行過上下路, 來回都係 3.5小時, 好輕鬆ga ^^
http://hk.myblog.yahoo.com/phyllis2210/article?mid=5352
原來洛洛媽都影好多我既影喎~啲菜表姐話好好味添呀~
回覆刪除[版主回覆02/07/2011 13:12:00]唔係好多咋, 因為我地都幾專心行山
下次又叫埋表姊啦
表姐都話啲鴨好正呀,下都會叫埋表姐架~
回覆刪除[版主回覆02/07/2011 18:10:00]洛洛 : 叻叻, 原料唔止你媽咪愛叫鴨, 連你表姊都鏜意o架
最好快去多一次..比叻媽去叫鴨呀!!
回覆刪除[版主回覆02/07/2011 18:13:00]肯定要俾機會佢叫鴨啦
而我地就要乜都叫
下次再同婆婆一齊行..婆婆真係好行得..勁呀!!!!
回覆刪除[版主回覆02/07/2011 18:11:00]婆婆行得慢, 其實要你地等, 我地真係唔好意思o架
話比你知..其實你地唔叫慢..都好快..我地都唔駛點等!!同埋有的係時間..慢慢行好0架..
回覆刪除[版主回覆02/08/2011 12:47:00]咁又係, 我地 Hea 住行, 唔會起步衝, 婆婆唔會辛苦, 咪可以行好長程, 又夠氣 ^^
呢段路係我好鍾意行嘅地方，因為，啲風景好靚同埋隨行有野食！又唔難行！正！
回覆刪除