2010年8月14日

100814 Hea 在長洲

又到Happy Saturday, 婆婆同大舅父一家去威, 我唔可以去, 所以大細媽照原來計劃來長洲 Hea      


我地搭 9點慢船入時, 突然落起大雨, 好彩上岸時, 雲雨已經過左長洲一帶.....



雖然地面濕晒, 但又唔會熱腳仔, 仲好啦


又係大新後街入學校路, 上長洲山頂道.....


有仙氣      其實係太陽照射地上, 水份蒸發咋......


係喎, 過晒櫻花期, 都係唔入去關公忠義亭了....


好熱呀, 好彩落雨後, 周圍有水氹咋





過晒墳場, 轉落白鰽灣, 開始少樹蔭, 沙灘又多垃圾浮上灘, 我唔可以跑沙灘, 惟有繼續前向行......    


神眼細媽又有新發現, 係岩石上現了一個大心心, 我地來過咁多次都無為意, 今日雨後, 有水現形





過了白鰽灣, 上了石級後, 我地見有人玩呢種玩意, 由一邊滑吊往另一邊, 望落都心驚驚, 但佢地有齊晒安全設備同導師指點, 都幾安全o架.....


過埋五行石就落鯆魚灣....


今日係初五, 海水會比平時漲, 唔知可唔可以過鯆魚灣對岸呢


無婆婆,我地一於照行過去....








過左一半咋....


因為另一邊, 海水拍上來, 大細媽又唔想澗水過, 惟有.....


爬牆 law   


細媽手抱我, 媽咪殿後.....







終於平安橫過石灘, Yeah


張保仔洞燒烤區..........





我地今日轉落天后廟......


原來呢度睇晒成條防坡堤o架.....





入西堤道已經快中午....


塊地曬到好熱呀.......


而且成條路無樹蔭.....


想搵個好位望下對面大嶼山都幾難.....


好彩我有私家大脾咋             


天時暑熱, 狗地唔好暴晒呀..........





所以打後都係坐私家車





回長洲市中心, 又係搵食時間.....


大細媽各自一份套餐後, 又走去另一處飲生果冰沙, 飽晒


食完後行一陣都兩點多, 反正咁熱又多人, 我都落唔到地, 一於搭回 2:15pm船回程....


架渡海輪好 colorful, 我一陣就係偷雞.............she


到尖沙咀天星碼頭, 又係人山人海....


先前計劃係在尖沙咀坐的士早點回家, 但女人係善變, 加上婆婆會食埋晚飯先回家, 佢地又話要行下先喎.........

我唔可以入 1881, 在出邊影下相都OK卦.....





我都有來名店巡視o架





雖然柏麗大道路寬闊, 但細媽怕我俾人踩到, 我無奈要用繩 law.....


行行下又去到佐敦, 今次真係坐的士, 但又唔係返屋企喎, 而係去九龍城幫我買尿片, 順便走去搵Yammie 姐姐傾歇同吹水, 接住又去新蒲崗食晚飯, 終於成 8點半先返到屋企呀           


5 則留言:

  1. 嘩,玩完長洲玩行街,跟住仲去shopping兼吹水,洛洛今日行程超豐富啊!
    [版主回覆08/15/2010 20:21:00]洛洛 : 都幾多行程, 否則唔會成 8點半先返歸

    回覆刪除
  2. 哇!d路都好似好難行咁bor.... 好開心既一日ar!
    [版主回覆08/15/2010 20:23:00]如果潮退, 過鯆魚灣, 都係落灘, 唔會濕腳, 潮漲先咁麻煩咋

    回覆刪除
  3. 洛洛, 你實在太了解你家d女人喇 
    [版主回覆08/15/2010 20:23:00]對左佢地 5年多, 點都有D心得

    回覆刪除
  4. 到尖沙咀天星碼頭,仲影到相,得洛洛一個坐定定.真係乖
    [版主回覆08/16/2010 13:24:00]洛洛 : 我習慣左, 大細媽叫我企定定影相時, 我咪聽佢地話 law, 其實我有時好反斗, 你地唔見咋

    回覆刪除
  5. 洛洛, 你間舖D業務好旺呀
    [版主回覆08/16/2010 13:25:00]EE, 我都有巡其他店, 但太忙, 無影相咋, 業務過得去啦

    回覆刪除