100815婆婆的開心生日預祝 - 大食篇

昨晚我地同婆婆都夜返, 搞到好夜先瞓覺, 所以媽咪話今早要瞓飽先肯起身喎




臨出門口前又落雨, 好彩一陣又細雨, 我地當然照出發去街街


落了車, 大圍呢頭都停左雨, 我地繼續向城門河畔出發...


點知快去到神召會的隧道, 竟然又落雨, 仲越來越大

無計啦, 惟有在隧道等雨停, 我同大細媽在隧道來回十幾次呀......


終於等到微雨, 媽咪見天又光猛返, 就繼續行程....


地濕唔緊要, 因為我都預左返屋企洗白白


到呢度, 快到我地今日目的地


原來大細媽安排左今日, 帶婆婆來意廊食意式半自助早午餐, 呢度有露天位, 我都可以有份參與  


來個合家照先


Semi-brunch包每人一個主菜.....


 

另外, 班女人發揮食力, 除了無限添飲的橙汁或蘋果汁, 媽咪自己都拎左三次前菜及甜品, 最後仲拎多碟生果


全檯滿座

佢地有佢地食, 我都有...... , 咪係食雞肉乾 law....


等佢地食野, 等到我瞓著覺

當我地食野時, 時落雨, 時出太陽, 落雨好天, 落雨好天, 轉足幾次.......



食飽後, 佢地飽到上心口, 要慢步消化喎



應該係又橙汁又凍奶茶, 又過飽, 媽咪離開餐廳無耐就搞肚痛, 鬼咩, 媽咪一向腸胃差D, 食咁多, 咁係肚痾啦, 好彩佢臨急走回頭返酒店, 否則, 尷尬屎law

本來想慢慢行去大水坑坐車回家, 但全條路少樹蔭, 我僅係屎都要返袋唔行啦


袋狗合一, 奈我唔何, 終於細媽話 : 既然叉燒BB唔想行, 一於早回家, 齊齊瞓覺豬


回家後, 細媽話好攰, 大細媽唔同我沖涼就齊齊瞓, 原本早幾日留下出了屍斑的香蕉就擱置一旁......



但你地都知黃家女人, 有時風迴路轉, 世事難料 o架