花好月圓慶中秋 (附食譜及制作心得分享)

經過幾次實習, 細媽有信心可以整來送給小朋友

為能在中秋節前給小朋友, 細媽一早起來, 趕工制作

今次更用心上蛋漿

佢自己都好覺得, 效果比早幾次更滿意

再加埋芝士梳乎理小蛋糕                

五個半小時內趕工出來加包裝的成果

給大姨媽一家的四式月餅

預祝各位中秋節快樂

/////////////////////

代細媽回post :

我都係Copy狗餅姐姐以下食譜, 再加了些自己這幾次的方法.

餅模都好重要, 花紋要凹凸分明些, 出來的效果會明顯些.

所以我無用橫/直花紋”果個”喇.

南瓜蕃薯月餅

材料：

日本番薯 160 克

南瓜 50 克

低筋麵粉 120 克

肉桂粉 1/2 茶匙 - 無落

烘焙蜜糖 50 克 - 只用了普通槐花蜜

橄欖油 40 毫升

雞蛋 1隻

蛋白 少許 - 掃面用, 但我就改了蛋黃. 要發"雲"些, 會好掃點.

做法：

1.) 先將番薯煮腍, 去皮後壓成番薯蓉。 南瓜同樣煮至腍身, 然後挖出南瓜肉。

2.) 將麵粉、肉桂粉、蜜糖、橄欖油和雞蛋拌勻, 搓成月餅皮。

3.) 南瓜肉搓成小丸子, 再以番薯蓉包裹做餡。

4.) 月餅皮輕力按扁, 包入餡料。

5.) 用月餅模吸出形狀, 表面掃上蛋白, 以180℃焗15分鐘即成。 *入爐前可先噴水, 可以防止餅面爆裂, 以180℃先焗5分鐘, 取出掃蛋黃, 再入爐焗 10分鐘, 餅面會金黃點.

* 我就用160度焗8分鐘, 掃蛋黃, 再焗6分鐘, 掃蛋黃, 將整盆移至稍高位置, 再焗約10分鐘, 但要看緊些, 免焗燶.

* 用的毛掃要軟身些.

* 饀 : 皮 - 約7:3 最起碼都要1:1 先至可以皮薄些.

*還有粉的份量, 不是硬定了的, 視乎水份的多少而定, 因雞蛋大少都有影響的. 只要粉團不貼手就可以了.
* 蜜糖的比例其實已經唔算多了. 我係用量匙度, 所以又會比用磅又差少少. 而且蜜糖我唔會跟足, 只用了45ml, 其實焗時都會漲起ka. 用圓形花模時, 就會變成棋子餅樣了. 所以我就用方形模. 出來的效果就會好D. 蜜糖應該唔係黏實D粉, 只是增加餅皮的甜度. 人食的會放乳化劑, 用以固定餅形用回油快些, 所以花紋就會明顯些. 而且蜜糖的甜度比起其他糖類都輕點. 我們一家都唔喜太甜, 試食後都只係食到番薯的甜味.