每個月都要配藥, 因為由8 月中後, 我每晚好多時食完晚餐, 會狂飲水, 隔一輪就嘔晒出來, 再餵又嘔, 哥哥話不如見左醫生先, 睇下駛唔駛改藥或劑量. 3/9 星期六滿晒booking, 好彩星期五晚7:45仲有一個位, 媽咪收工趕返來, 先餵我食空肚藥, 接住一輪餵埋頭輪晚餐, 等埋細媽, 一齊去診所.
大細媽先講返我情況, 醫生都發現我後腿比之前都僵硬左, 唔夠力. 要先驗下血, 再睇指數.
報告出了, HCT比以前低左好多, 醫生話肝癌影響, 唔太吸收.
肝酵素要稀釋再驗, 成 5548 U/L, 比9/4 (4322 U/L)又高左, 腎指數都差左. 醫生話情況只有越來越差, 叫大細媽接受現實, 繼續俾我保持優質生活同多休息. 醫生話試下打造血針, 今日先打一針, 兩星期後打第二針, 醫生話如果媽咪可以自己打, 就唔駛抱我返來, 媽咪話先睇姐姐點打, 最後, 佢有信心做. 一個月後返來覆診. 至於後腿唔夠力, 醫生話試買支手提紅外線筆, 舒緩我脊椎同後腿.
年紀大, 無計啦. 大細媽都話在許可範圍下, 盡力做. 細媽話, 希望快天涼, 佢想抱我去下郊遊, 感受大自然, 始終, 我一家本來就愛山野.
沒有留言:
張貼留言