220604睇眼仔

星期三晚, 媽咪打電話去診所配藥, 先知要每次量定體重. 家中磅好, 空肚界乎 5.4-5.5 KGS, 再打返診所報告, 哥哥都會先循例問晒我近況點, 因為右眼分泌物多左, 但又唔係青青黃黃, 媽咪問上年11月買定的消炎水眼藥水可唔可以用, 哥哥叫媽咪等等, 佢馬上問醫生, 醫生怕我有乾眼症, 最好返診所驗下眼仔先.

今早剛好有一個位, 來到, 唔多診症. 見到醫生, 佢望我雙眼, 白內障嚴重左, 右眼比較紅, 話我先留下驗下眼壓. 另外, 媽咪提到我後腳無以前咁好力, 醫生摸摸, 話我後腿都較僵硬, 老人家係咁, 建議在家鋪地墊, 例如瑜珈墊或格仔墊都得, 以防我跣倒扭傷腳筋, 導致後腳癱瘓.

驗好眼, 大細媽入返診症室, 醫生開電腦將結果解釋, OS = left eye 左眼, OD = right eye右眼.

今次以「Schirmer氏淚液試驗（STT）的試驗結果」為主, 將「淚液試驗紙條」放置於「角膜」與「下眼瞼間」測量一分鐘水樣淚液的製造量。 

狗狗的STT正常值>15~16mm/min, 若SPP數值低於10mm加埋有黏液樣或黏液膿樣分泌物及結膜炎的發生, 就會界定患有乾眼症。

STT淚液產生, 右眼得 6mm, 即比較乾, 即有乾眼症.

IOP係眼壓, 在10-20mmHg 都係正常範圍.

醫生話要配幾樣眼藥水同眼油, 消炎加潤眼.

因為怕搞錯, 有埋眼藥投予須知. 抗生素同消炎藥水就滴一星期, 仲未好晒就滴足10日.

媽咪返來, 寫返清楚編號, 咁就唔怕搞錯.