220115覆診日

上次醫生話一個月後返診所覆診驗血, 睇數據來調整藥劑量. 今早預左 10:15, 食過早餐, 來到上磅有5.9 KGS, 唔錯呀。

細媽, 我好緊張, 唔好影啦.

今日要唔要又留低幾個鐘呢 ?

叫到我, 入去見陳醫生, 佢摸下我全身, 馬上抱我再上磅磅, 真係有5.935 kgs, 醫生話上次得5.3 kgs, 一個月肥左, 唔錯. 媽咪話俾醫生知, 見我係想食野, 但又似咬唔到, 可能牙仔痛, 針筒餵食係無問題, 仲食得好好, 醫生檢查我牙齒, 唔覺有問題, 好大可能係咬食物時, 腫左的口水腺影響到, 肯食就得. 因為上次將腎上腺藥劑量調低左, 睇下我肯唔肯食多D, 但就變返狂飲水.

我要留低抽血驗下指數先.

過左一陣入去聽報告, HCT 低左得31.7%, 似乎造血差左, 指數在 30 % 以上都可以接受, 低於30%, 就要打造血針. 其他血指數無問題. 

尿素高左, 所以今次會將腎上腺藥調返高少少. 咁應該可以減少狂飲水.

醫生話如果情況無乜特別, 可以三個月先返來驗血, 如果我情況唔太好, 就兩個月返來. 繼續每月配藥. 因為我眼仔乾, 媽咪話配返多支Optixcare eye lube plus 來滋潤雙眼呀.