200718覆診日

今日要覆診, 因吳醫生放星期六同日, 如果係星期五晚, 都要 7 點前. 大細媽無咁多假, 所以今日見陳醫生. 上磅: 5.8 KGS, 又重左呀. 

因陳醫生第一次跟我手術後進展, 要先見佢, 才抽血驗.

等報告出都幾悶下.

好彩我有細媽攬好, 在袋瞓得好舒服.

驗血報告出了, HCT 都未達 37% 以上, 造血速度似乎穩定左, 其他指數都可以. 

醫生幫我驗埋腎指數, 有輕微腎病, 知我比以前飲多左水, 尿色淡, 醫生話少食肉, 多飲水, 容易將毒素排出, 暫時唔駛食藥住, 嚴重時, 才要食藥加皮下水. 現時可以先開補腎益生菌當保健先.
仲安排驗焦蟲有無清除, 叫媽咪留意下尿色有無突然轉返偏橙黃.

暫時開住一星期Clindamycin 150mg加胃藥, 等驗血報告出, 如果無焦蟲, 就可以停藥. 如果仲有, 就返去配藥, 要視情況來覆診.
而維他命B, 補肝藥及補腎益生菌就開一個. 補腎益生菌要入雪櫃蛋格儲存, 哥哥俾埋冰我地拎返屋企, 媽咪有個維他命藥樽, 儲存比藥袋仲好.

疫情下, 我地唔敢帶婆婆周圍去, 我地返屋企, 放低藥, 清潔消毒好, 在家附近食午餐, 真係少左人, 好多吉檯, 我地快快食完, 買外賣俾婆婆, 急急回家.